我隻鼠鼠之前生左粒瘡 爆左仲流血

鼠店所買到既外用藥水,對生瘡係冇幫助,最多只係可以消消毒,建議你唔好再使用
其實鼠鼠有咩唔舒服,去問鼠店既話都一定要經過自行分析先好去相信,有D鼠店,冇藥物幫到你既時候,就會胡亂叫人買一D藥,除左冇幫助令病情延誤處理之外,仲有機會做成反效果

A.瘡既話,最好在爆之前就處理好,而家爆左就好麻煩,好難好返,最好盡快睇醫生處理,鼠店冇藥物冇儀器幫到佢
去睇醫生既話,獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷
鼠鼠生瘡係會不斷抓,因為佢會覺得唔舒服,如果位置佢會咬到既話,可能仲會成爛粒瘡,所以一定要盡快睇醫生

呢兩樣情況都需要較多儀器,可以到大圍度睇:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/

另外以下既醫生都唔錯既,手術應該會較大圍平D:
旺角動物診所 - 梁醫生
九龍窩打老道66號A地下
電話 : 2760-1026

最平可以睇愛護動物協會,但做手術既話,都可能會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

B.鼠鼠成日撞門同咬籠,睇唻佢既情緒好唔穩定,唔知佢病之前都係咁定病之後?如果係病之後就應該因為唔舒服
如果病之前都係咁,就要留意返會唔會籠有咩令佢咁樣,會唔會有第隻鼠一齊?會唔會有咩整親佢?定係籠附近太嘈?會唔會有第D野嚇親佢

其實可以咬佢唔好咬籠撞籠,但佢而家唔舒服,實在十分難教到,但都可以講方法俾你參考一下

教鼠鼠唔好咬籠既方法:(撞籠方法一樣)
一.首先要同隻鼠鼠熟既先,唔熟好難教得識
鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

二.我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次

咬籠其實係因為鼠鼠牙痕
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野

你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬

鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制 同專俾鼠鼠用既磨牙用品係最好既.

有d人會建議俾木筷子俾鼠鼠咬,但我就覺得唔好,一來會有刺,二來易令鼠鼠想塞入腮,咁就易整親個腮啦

不過好多時有磨牙石都會有咬籠問題,但有野磨多個選擇都會好d,對鼠鼠都會好d呢

C.冇錢帶鼠鼠睇醫生,首先建議你再同家人商量一下,真係唔得就自己試下儲錢吧,其實養寵物之前都要諗返寵物都有病既時候,最好就係養之前儲定錢先,我細個既時候都係,儲定一筆錢俾鼠鼠,自己玩少d買少d野,過年又俾多d錢落去當俾利是俾鼠鼠,建立個人儲蓄習慣,仲可以有咩事有筆錢用落鼠鼠身上