我個FD給DCHL亮碧思 的職員洗了腦‧講咩都唔聽

你好, 我好耐以前都做過.都係幾年前喇. 我果時都係得20歲.其實佢地間公司本身D人都唔係好得, 都可以話係幾無品, 我果時只係同我大頭隔咗我個UPLINE, 所以好多佢地的手法都好清楚.覺得佢地愈來愈唔對路, 所以就唔做,唔想幫佢地害人.

你講的洗腦其實係佢地日日都有N咁多個會同佢地開, 由一早的早會開始, 跟住又同佢地講吓心態, 跟住就GROUP埋一齊打電話約人, 跟住不停咁同佢地係咁TRAIN佢地既SKILL. 就連點克服朋友家人的反對都係日日都講. 所以你個朋友有咁既反應一D都唔出奇.因為佢根本唔會覺得佢地有問題, 而你地的質疑一早佢自己都同自己解決晒. 因為入會時佢地會安排去上個叫成功課程的物體. 會將佢地的心結都解晒.咁佢地就唔會再去想其他問題. 所以你同佢講咩都沒用, 佢一早就唔當你講既野會係個障礙.

如果你咁講, 佢都唔係做咗好耐姐, 應該仲可以退會. 佢地有得退, 但要睇你張單係幾時出, 可打去張單上面個寫字樓電話問吓啦. 放心佢地會中肯咁話你知, 如果放唔到或者個偠唔OK,你可以試吓搵人收大單. 在yahoo拍賣或者magazine "face"; 即以前的'便利' 都 會有廣告, 你去留意吓啦. 記住唔好俾佢個上線知你想退, 佢地唔會咁易俾你退返d野架. 一定會煩住你的. 小心呀

其實佢地真係用咗好多唔同的方法去令D人開單,等你有大單後就會叫你係咁出人, 因為入會果$5000幾錢會直接俾你個上線架, 所以佢地要你入會時係會好狼, 嘩..5000蚊現金喎. 又會叫你再你D朋友一齊開大單, 咁佢地又抽佣.話就話一世只係要你搵5個人,跟住會一路同你一齊做,一路帶住你. 但實情係如果你唔係做得咁好, 佢地又會再出人, 跟住就會唔埋你. 可能佢係你個朋友你會覺得佢唔會咁對你, 但經過佢再對上班人所謂教佢, 就會慢慢唔埋你條線.

你都好彩你開唔都套架, 如果唔係條數仲大, 果時我有個在LB的朋友, 佢本身已經挑戰咗.咁佢有個女仔朋友鍾意佢,因為個女仔屋企環境幾好, 佢上線侯爵覺得可以出到套架.竟然叫佢拿拿聲溝咗個女仔, 咁係女朋友就一定要撐男朋友...

當然仲有好多其他野啦...不過你都唔好諗咁多喇, 總知我都知唔少啦.

如果佢真係仲唔聽, 咁你可以反問佢一句, 你係想幫人定係害人? 有沒聽過咩叫一將功成萬骨骷呀? 佢地就口口聲聲話要幫人, 但俾佢地攪到要負咁大條數的又係邊個呀? 前排先有幾單新聞話佢地D會員因為債務問題要攪到上佢地間公司, 又話放火又盛. 如困佢地咁好心幫人, 咁又唔幫吓佢地快D搵返D錢? 幫佢地開埋人吖?

你再同佢傾吓啦, 如果有需要就留個MSN大家再傾啦.

2007-12-29 02:24:09 補充：
打去佢公司係唔會搵到佢的, 因為公司電話係行政用的, 佢地的經銷商即你個朋友係唔可以用的.

你個朋友幾多歲呀？依間公司係搞傳銷既好多人都知，網上面好多個討論區都有人講佢地，早輪先有班人o係東角中心樓下抗議佢地，叫你個朋友自己上網睇下啦！

你可以試下, 比d 實例給他看. 可以在這個yahoo 知識找到. 唔好幫他借錢.
如他還是不明白, 咁只好等他自食其果, 請記住不好幫他還債, 最多等他破產後, 再重新做人.

2007-12-19 11:18:15 補充：
你可以打 DCHL 就可以找到的. (Yahoo 知識)

2007-12-27 10:22:01 補充：
其實我都有一個朋友和你的情況很相似, 有時他相不通就是相不通, 你怎樣跟他說都沒用的. 你已經出盡所有力幫他, 他都不理. 為有等他遇到一些事情他自己自然會相通的. 可能這做是天意或命運吧!