做了朋友的銀行按揭担保人，要注意些甚麽來自保？

1.你做了朋友兒子的銀行按揭担保人, 如果他斷供, 銀行會要你上身. 唔係續供, 而係一次過還. 因到銀行追佢追唔到, 而要追担保人嘅時候, 通當已經好遲, 銀行巳cancel咗份按揭. 所以你要一次過還. 無錢還就將層樓作銀主盤出售. 個差價當然由你負責. 無錢填差價就告你破產.
2. 你做担保人, 法律上當兒子斷供, 你就成為銀行債仔. 但你就並非兒子的債主. 你會俾銀行追 / 告, 但你就無權去追 / 告兒子. 所以建議你同兒子去律師樓做份Deed of Indemnity, 講明如果因兒子斷供而令你有任何損失, 兒子要賠償俾你. 又或簡單d, 叫兒子寫張二百多萬欠單你, 講明銀行追你, 你就攞住張欠單追兒子.
其實如果佢要斷供層樓, 佢都唔會有錢賠償俾你. 實際作用唔大, 但起碼法律上自保咗.
唔做中, 唔做保. 唔做媒人三代好. 我見過幾多cases, 係幫朋友做担保, 結果搞到自巳一身蟻. 三思呀, 兄台!

做了担保就預了要承担 ,他兒子斷供,銀主盤差價必然由你負責,沒有甚麼可以自保,朋友之道,在乎一個信字,他兒子斷供,他本人會否代子還債,希望這件事不會發生啦