廣東話 到喉唔到肺

到喉唔到肺係廣東話裡面嘅俗語之一，意思即係話一件唔完整嘅事令到人好吊癮、好無奈；例如：

講故事講到最精采嘅時候突然停咗唔講，搞到心痕痕想知道故事發展；
睇電視或者睇電影嘅情況同上；
一樣好美味嘅食物，但係只係食到好少份量就冇哂，覺得未夠好想食多啲；
踢足球時，想交個波俾人，點知踢出去軟弱無力，個波離隊友仲有一段距離（可參考醫院波）
……等等。
哩句嘢嘅出處，據聞係一啲吸煙嘅人用嚟最笑嗰啲唔識吸煙或者扮吸煙嘅人而創作嘅；嗰啲唔識吸煙或者扮吸煙嘅人，只會吸一啖煙喺口裡面，但就唔會吸落個肺度，然後就即刻噴返出嚟，俗稱「打煙炮」，跟本唔係吸煙，只係吊住口癮；後來就借用咗為吊癮、搞到好冇癮嘅俗語。

頂住頂住ｌｏ