關於廚藝問題

水沸後才下米
放隻匙一齊煲

方法有 2 種 :

1/ 煲時可放隻啞湯匙落去一齊煲, 因當粥滾時會令到隻匙不停地打轉, 所以就可防止黐底

2/ 時不時攪吓煲粥, 但攪完之後煲蓋就要半開啦 <因煲粥的時候, 曾經開過蓋就會滾些出來, 所以要開半蓋比d氣鬆一鬆, 就冇事>

備註 : 必須要水大滾后才可落料, 否則怎樣做都冇法避免 !!!!

煲粥黐底主因喺滾唔起d米。其實傳統明火白粥就喺指打開粥煲的蓋，用大火煲至收乾水。所以你見粥檔的粥煲特別高，因為要預咗d粥滾起時唔會瀉出來，又其中要訣﹕
1、一次過俾岩水，稀「傑」煲起岩岩好。中途加水會水還水米還米。
2、水滾後才落米(放油目的是香滑、用皮蛋或梘水喺叫d米快d開，與黐唔黐底無關)。
3、落米後要不斷攪動煲底(見粥檔用的是一個大鑊產，就是要不斷產底部被免黐底)，直到粥再滾起後，可隔10分鐘再輕攪一次，這時粥滾起會起泡，但米水分明。
4、若有用皮蛋或梘水醃米的約1小時應發覺米不但開花了，更會看到粥越來越「傑」，「傑」得呈糊狀，這時攪底又要頻密起來了，直到由於粥的密度高了，所以粥會似火山溶岩咁噴射(小心燙傷)，粥就煲成了。
5、所以煲靚粥，是由始至終要大火，一頭一尾攪底最關鍵。

我自己既方法係,首先用少量水,油和鹽浸白米15分鐘才開猛火去煲滾,然後才轉中至小火煲,我就沒試過黐底,你試試丫!