聖誕大餐(自己整)有咩好介紹?

我諗你可以大約整十多食品到都好夠啦，建議如下:
1. 大荳芽雞絲沙律
2. 粟米紅腰豆菠蘿沙律
3. 串燒
4. 春卷
5. 焗青口
6. 腸仔三文治卷
7. 咖哩魚蛋牛丸
8. 蕃茄杯
9. 芝士薯仔蛋
10. 茄汁焗肉丸
11. 焗雞翼
12. 白汁海鮮意粉
13. 脆皮棉花糖
14. 生果拼盤
我諗你咁整比你叫PIZZA 同火雞平同埋"襟"食，仲有你一人半件PIZZA啲人都飽晒，你個火雞之後都係一個好大o既問題，因為十次有八次隻火雞都係食咗三份一到啲人就唔食，想有食火雞o既氣氛你不如買隻大燒雞好過，唔通你真係想好似麥兜故事咁食咗半年仲食緊隻火雞嗎?
如果有細路係度，仲可以請啲細路一齊整唔使被佢哋煩吖嘛!
至於詳細整法請見如下(有"細"字者細路可以幫手的)~
大荳芽雞絲沙律 "細"
材料：大荳芽2斤，雞扒4件
整法：將大荳芽同雞扒同放滾水煮2分鐘，瀝乾。雞扒切絲或撕碎，加入1/4杯白醋、半杯水、少許鹽、黑椒拌勻便可
粟米紅腰豆菠蘿沙律
材料：罐頭粟米、紅腰豆、菠蘿碎(大罐)各一罐
整法：所有開罐、瀝乾拌勻便可
春卷
材料：春卷2至3盒 (超巿或凍肉舖有售)
整法：春卷用中火炸5分鐘便可
焗青口 "細"
材料：開半邊連殼青口(凍肉舖有售)、芝士片
整法：青口舖芝士片上面，入焗爐(170℃)焗10分鐘便可
腸仔三文治卷 "細"
材料：雞肉腸2包，方包20片
整法：腸用水略煮3分鐘，瀝乾，方包卷起腸仔用牙簽串起，一開四切好，便可
咖哩魚蛋牛丸
材料：魚蛋、牛丸各1磅、咖哩汁(細)1/2 至1樽
整法：將所有材料，放入鍋中煮半小時便可
蕃茄杯
材料：蕃茄每人半個、吞拿魚約4罐、沙律(小)1樽
整法：吞拿魚和沙律拌勻，搽於已開邊的蕃茄上便可
串燒 "細"
材料：雞扒8件、梅頭豬扒8件
整法：全部切大方粒 ( 好似方糖咁大粒)、用竹簽串起、灑上幼鹽、放入焗爐焗10分鐘便可，鍾意甜甜地可以出爐前掃少少蜜糖水 (比例大約一比一)
芝士薯仔蛋 "細"
材料：薯仔 (中) 8個 (或用惠康一袋有4個的焗薯 x 2)、芝士10片
整法：薯仔烚15分鐘、取出去皮，用叉搓成泥，用匙搓成小球(大約比波子大少少)，將芝士切方粒(約1x1cm)用薯泥包住搓圓，入焗爐焗15分鐘便可。
茄汁焗肉丸
材料：小肉丸2 磅、泰式雞醬(小) 1枝(可於各大連鎖凍肉舖找到)、茄汁 (小) 1枝、水 1 杯、鹽少許
整法：以上材料一同放入鍋中用中火煮至汁稠便可
焗雞翼
材料：雞翼3磅、鹽焗雞粉 2包
整法：所有材料混好，醃10分鐘，放入焗爐焗20分鐘至熟透便可
白汁海鮮意粉
材料：意粉 1包、忌廉磨菇湯(濃) 2罐
整法：意粉用水及鹽煮8分鐘，過冷河、瀝乾，用煮磨菇湯方法先煮湯再放意粉煮多5分鐘便可
脆皮棉花糖
材料：大粒棉花糖1~2包、脆漿 1 盒
整法：跟脆漿盒上的說明書開漿，用竹簽串一粒棉花糖浸入漿內再放入滾油中用慢火炸至金黃色便可
生果拼盤 "細"
材料：自己鍾意的生果(不過瓜類或蘋果之類會較理想)
整法：將它們切粒或切片上碟便可

,雞翼,波羅腸仔,布甸,巧克力餅,沙拉..........

又平又簡單

可以自己整沙津

或者整下啫哩果d

菠蘿腸仔呀

咖哩魚蛋

壽司意粉都得

買d冇咁熱氣ge零食

再買d飲料...

等等....

再訂埋pizza 火雞

有老人最好再整or訂 d 茶+素菜

可能岩佢地胃口

E度下面有英國的聖誕大餐食譜!!
聖誕燒火雞







材料：
野米4杯
蘑菇1兩
西芹1兩
紅蘿蔔1兩
雪藏火雞1隻



製法：
1.火雞洗淨去內臟，用鹽及胡椒粉醃30分鐘。預熱焗爐至230度。
2.野米隔乾水份與蒜蓉及其他蔬菜粒用牛油炒片刻，加入茜子及調味。
3.續少加入雞湯煮滾，用慢火煮至半熟，待涼。
4.將野米餡放入火雞腔內，用錫紙蓋著開口，置230度焗約2小時至熟。



調味：
胡椒粉適量
牛油1安士
茜子少許
鹽適量
蒜茸1茶匙
清雞湯1杯


焦糖樹幹蛋糕







材料：
餅底：
雞蛋　3隻
沙糖　75g
湐粉　45g
粟粉　10g
可可粉　20g
罌粟籽　適量
糖霜　適量

焦糖mousse：
沙糖　45g
清水　17g
葡萄糖漿　10g
熱水　60g
煉奶　40g
魚膠片　6g
淡忌廉　200g




製法：
餅底︰
1）蛋白打至企身後加沙糖，直至沙糖全部溶化。
2）加入蛋黃攪勻。
3）加入湐粉、粟粉和可可粉拌勻。
餅邊：
4）放入吱嘴內，吱出與餅模高度約1倍長度手指形狀的餅邊，以及2片餅底。
5）灑上罌粟籽及糖霜。
6）放入焗爐，以190度焗10分鐘後待用。
焦糖mousse：
1）葡萄糖漿、沙糖及清水煮至琥珀色後，加入30g熱水攪勻。
2）加入煉奶拌勻。
3）加入用30g熱水煮溶的魚膠水。
4）加入已打至企身的忌廉。
蛋糕：
1）將手指形餅切一半圍在餅模周邊及餅底。
2）加一半焦糖mousse後鋪上另一片餅底及加上焦糖mousse。
3）放入雪櫃內雪至凝固完成。



薑餅







材料：
牛油　60g
蛋黃　1隻
黃糖　30g
Step:
糖漿　1湯匙
發粉　1/4茶匙
湐粉　150g
薑粉　1湯匙




製法：
1）牛油、黃糖、糖漿加蛋黃一起，打至滑身。
2）薑粉、湐粉加發粉拌勻。
3）加入已拌勻的粉搓成粉團。
4）將粉團壓至4mm厚，然後倒模在你喜愛的形狀。
5）放入焗爐，以180度焗15分鐘便可。



英式布甸
圖片參考：http://ihome.ust.hk/~bc_tty/eng_2.jpg

　
材料：清蛋糕/雪芳蛋糕450 克 &n bsp;
&n bsp; &nbs p; &n bsp; 士多啤利醬1/4杯 &n bsp;
出貓吉士醬1000 亳升 &n bsp; &nbs p;
甜酒1/4杯 &n bsp; &nbs p;
新鮮生果2杯切粒
鮮忌廉500亳升
杏仁粒少許 &n bsp; &nbs p; 　
　
做法：
1) 清蛋糕切片，掃上果醬，平鋪在玻璃兜內。灑上甜酒﹑再鋪上生果粒，淋上吉土醬。
2) 重覆(1)一次。
3) 忌廉打至企身，塗在布甸面上或唧上花，灑杏仁，完成。

希望可以幫到你!!
圖片參考：http://hk.yimg.com/i/icon/16/1.gif