過大禮當日, 新郎上女家屋企, 新娘係咪唔可以係屋企....

如果跟習俗嚟講, 應該係男家嘅家人或親戚過大禮到女家, 新郎係毋須出現. 至於新娘留唔留响家中係冇關係 (不過古時啲女仔唔出街, 所以應該留响屋企啫), 而過大禮後, 一對準新人係唔見得面嘅!

但時至今日, 過大禮好多時都係要新郎哥自己親力親為, 而過大禮後亦都有好多嘢係對新人仲要一齊 follow up, 又點可以唔見面呢? 你估仲係以前, 親戚多會幫手搞婚禮咩! 所以一般嘅人都唔會跟過大禮後唔准見面呢個習俗o架喇!

答番你嘅問題 : 過大禮當日, 新郎上女家屋企, 新娘唔係唔可以係屋企, 當日係可見面. (就如我之前所講, 以前嘅人跟本就唔會係新郎過大禮, 所以以前响過大禮當日, 一對新人跟本就唔會有機會見面.)

我過大禮嗰陣都係得老公一個人上嚟,我阿爸阿媽接佢d禮,我就喱埋入房,等佢地完成個過程之後我先出廳一齊食飯

現在都沒有限制了, 只要不是你去開門就可以

可以係屋企, 但唔可以係新娘子開門, 因為老人家話咁樣個女仔就唔矜貴喎!