現在買樓是否可做9成半按揭?

唔一定 ka....買之前一定要評估自己既力量呀. 收入是否夠供樓先. 銀行都企得幾硬 ka 有時. 好似我都岩岩買左.... 195萬... 但銀行只估 188萬. 咁差左個7萬. 就要自己攞出黎 ka la. 如果冇, 之前落左個 10% 訂咪化為烏有??!! 銀行係評估你既時候, 會連你供車, 信用卡欠債都一併計晒落去 ka.......故唔係你想像中咁簡單 lor. 我都係今次自己買左樓至知.
當你去買樓時, D 地產係咁話你 ok ka la ok ka la 咁. 梗係啦, 你比左訂... 你買唔成... 佢地冇蝕底 kak.... 小心小心!!

一手樓同居民比較易申請9成或9成半

二手樓比較難,按揭公司審核得好嚴格

事前問定銀行都無用,借7成以上要交由HKMC去審批

仲要落左訂,比個買賣合約銀行先會同你審批

都有不少上借唔到錢而撻訂

理論上可以咁講,但係...都要顧及好多方面0既問題,亦都唔係一件想像中咁簡單0既事,如果唔熟悉當中0既程序就會好大獲,分分鐘連先付0個d$都無埋,請先參考:-

首先要顧及自己0既財政狀況,手頭上0既現金,除了要應付首批訂金之外,還要計算律師及經紀費用.當買入咗樓宇後仲要揾銀行做按揭(唔係間間銀行都願意做9成半0架,中銀0個d通常都唔受,其它要睇情況),怇地要睇吓個估價同你個買入價係咪差唔多,相差唔遠0既話都會估足,差得遠0既話要自己真金白銀貼番個差價,例子就係試過一層約150多萬買入價0既樓,銀行只估到140萬,結果要買家貼10多萬元,連140萬0既5%首期,要比20多萬元,咁你話係咪相像中只係比數萬元出黎做可以做一個業主咁容易呢?!不過可能有部份進取d0既銀行會估足比你,但你要比心機去揾0羅,又或者要個經紀幫手send份買賣合約去多數間銀行,駁多d機會.

仲要計算自己0既收入,一般供款額係唔可以多於收入0既一半,如果高出少少通常銀行要加一個財政同收入都健康0既親人做擔保,同埋你地最好唔好有d過往0既壞賬,因為會bad list0架,如果有loan又或者未還清(或只還部份卡數),銀行都要清咗條數先,又或者將申請按揭0既款項扣減...

其實當中有好多好多0野係做0個陣先至會遇到同明白,好煩0架!所以想做業主0既話,最好手頭多少少$先好諗,如果唔係...分分鐘連本都無埋.

七成按揭只是指引，任何時候都可以不同成數做按揭，要看借貸人級數，信譽，抵押，擔保等附帶條件，銀行有任何決定權，