有冇人教下我可以點做......

🪔 神學台宗教及靈性

[匿名]

2007-12-18 4:31 am

我係後期教徒,亦係基督教中學讀書,我覺得好唔開心,d人成日問我返邊間教會,我又唔敢講,又要講大話,我唔想佢地問三問四又要係我面前話後期教會係異端
我真係唔明點解d人要咁講,我可以點做??
真係要講,我可以點講?

更新1:

耶穌基督後期聖徒教會(The Church of Jesus Christ of Latter-Day Saints) 即是你地所講既"摩門教"

更新2:

我間教會係1間好好既教會,個個都對我好好,唔會做咩逼我既事我唔想話俾人知,並唔係因為我信心不足,而係因為我知道我1講既時候,d人會開始同我爭論,我想避免依d爭拗明顯地大家都有唔同既信仰,我明知佢地會同我拗時(唔好話拗啦,話煩住我), 我真係唔知點叫自己坦白講出黎我唔會驚我d朋友唔同我玩,我只係唔願意因為e件事俾老師或者其他教會既牧師"關心", 我真係唔想同人嘈信仰依d野要講真係有排講,而家講又唔係,講大話又唔係,唔講又唔係, 唉= =我真係決定唔到

回答 (6)

[匿名]

2007-12-19 9:24 pm

✔ 最佳答案

你好!~ 我都係後期聖徒~
你唔敢講係因為對教會未有見證姐~
我明白你會驚人問三問四同會失去朋友~
但係...如果朋友因為你係LDS而唔同你玩...
我相信呢D唔係真心朋友~ 真心朋友就算唔相信, 但都一定會遵重你既信仰
先要尋求你既見證, 因為邊個同你講係真都好~
你未體驗過你都永遠唔會知道係未真!!~
如果你已經有見證, 點解唔可以話人知你係後期聖徒?
呢個係你既信仰, 你所相信係真實既, 唔會因為其他人既睇法而改變
我好明白有D真係講唔明比其他人知~
當你真係有難題, 祈禱, 讀經文都可以幫到你!!~
如有必要時禁食~
真係唔需要講大話~ 真接講教會既全名佢知就得啦=]
用你既行為表明出你既宗教

參考: 17歲既後期聖徒

👍 0 👎 0

ma sim

2007-12-20 1:25 am

你的經驗好像今日人對法輪功的看法一樣,一聽見"法輪功"的三個字就肯定是邪教.事實上,別人從未真正接觸這教的真相如何,只從中央政府通過大眾傳媒所有人公開.你有沒有想到,統治者也是人,人不是十全十美的,會有私心的.當人對事情有任何不滿意,不順眼的時候,通常會怎麼辦?
如果他位高權重的話,他也許會利用權力,來打壓他眼中釘.當然,作為第三者來說,很難判斷那一句真,那一句假.但如果人知道事實的真相,那就不同了,因為他接觸過,深知報章傳媒也會報導不真實的事實.既然知道事實,即使街上對這教有如何反應都好,亦毋順芥蒂.別人不能代替決定你,控制你思想的,只要你認為自己決定是經過深思熟慮,反反覆覆想過,你就不會害怕別人對你的看法.

👍 0 👎 0

ivan

2007-12-18 8:41 pm

你可以說你是耶証, 讓他們叫你勿信耶証異端便得 la!

👍 0 👎 0

2007-12-18 5:04 am

我覺得你首先要認清楚你的教會是否真的邪教(例如教義會唔會叫你哋放棄家庭或過份捐獻)。如果真的不是，而你真心相信你的教仰，無必要介意其他人的批評。
宗教係一種好個人的選擇，因為你信，才會加入教會。你會介意其他人的說法，最大原因係你信仰不夠堅定，你自己都不確信的事很難說服他人....何況你加入教會，就有宣揚教會的義務。你要做的事是先了解清楚你的教會，到你真心相信之後，你唔會再介意告訴他人，甚至應該以自己的信仰為傲，因為你的選擇係正確的。
假如時日過去，你仍然介意，表示教會不能令你有信心，你還是試試去其他教會吧!

參考: me

👍 0 👎 0

[匿名]

2007-12-18 4:57 am

佢地問三問四又要係我面前話後期教會係異端@.@
有冇攪錯?佢地先係異端,
信教係一件快樂同自由0既事,唔一定會有先後次序之分,
唔通我一出世唔係食齋, 我就唔能夠做佛教徒???
你應該直接講, 你唔應該講大話,
你做人要有信心,
勇敢面對一切, 希望你可以搵到一些好教友,
互相幫助,互相勉勵.

參考: me

👍 0 👎 0

Bee 婆婆

2007-12-18 4:41 am

咁你信唔信你個教呀？其實我未聽過後其教徒這個名稱，咁你個教有冇英文名、法文名之類，人地問你，你講比佢地聽，佢地唔識就算囉，你話親戚帶你去的，如果人地再追問，就話第日再講。

2007-12-17 21:30:05 補充：
咁而家你d同學知唔知你係摩門教徒呢？你係怕煩還是怕講左d同學唔同你玩呢？你有冇想過點解d人要咁講，一定有原因的，你可以上網問下人，自己再判斷下。咁你的家人也是摩門教徒？暫時停下去教會的活動，專心溫下書先，年長d再去，給自己一d時間冷靜下，暫時做下無神論者，五年後再決信甚麼。

2007-12-17 21:38:13 補充：
下一位gdluckkate講得啱，信仰是有自由的，但你現在有d退縮，証明你信心不足，給自己一個冷靜期，先投入學業，教會又不會走左去的。

👍 0 👎 0

收錄日期: 2021-04-19 00:04:46
原文連結 [永久失效]:
https://hk.answers.yahoo.com/question/index?qid=20071217000051KK03336

檢視 Wayback Machine 備份