邊形數．．．

如果你想問條式,上面答左你,唔再重覆

如果你問點樣可以得到條式, 咁你先要知道
三角形內角和係 180 度...似乎對小六又太深
所以都係唔解啦
去到中一先學

2007-12-24 12:10:44 補充：
樓上個位,身為一個中學數學老師,我有責任搞清楚個同學已經識 d 乜野,需要識 d 乜野,點樣去教,教左佢明唔明, 明完佢識唔識用,再決定用乜野去教同點樣去教如果我認為佢既問題唔係三言兩語可以講得清我唔會扮代表亂咁教人你願意奉獻出你既知識係好事但要變成留言攻擊,甚至講咩「講左等於無講」咁就真係太無謂啦小朋友,你要贏要攞分你隨便啦,我唔稀罕

2007-12-24 12:17:59 補充：
不過既然你講開,我就當知識貼埋響度畀其他人睇啦首先要知三角形內角和係180度(點解?..我都唔知,但一定係,之後好多數都係呢個做最基本,記住佢)記住佢...哈哈...記住佢...你亞 sir 咁教你數架?三角形內角和等於180個意思係任何三邊形無論大小形狀,三隻角加埋都會等於 180 度,其中一個驗證方法 (唔係證明,係驗證)係隨意畫一個三角形,將三隻角剪佢落黎砌埋佢,你就會發現佢地剛好排成一條直線,即係 180 度此其一

2007-12-24 12:18:12 補充：
其二,如果你將任何一個凸多邊形切開做三角形,例如一個正方形 4 條邊,你會可以切到 2 個三角形一個五邊形 5 條邊,你會可以切到 3 個三角形一個六邊形 6 條邊,你會可以切到 4 個三角形餘此類推,你會得到一個 n 邊形 n 條邊,你會可以切到 (n-2) 個三角形咁多邊形內角總共係幾多度呢? 其實就係 (n-2) 個三角形內角度數加埋即係所謂 (n-2) 個三角形內角和亦即係 (n-2) x 180 度所以 n 邊形內角和 = (n-2) x 180 度

2007-12-24 12:21:25 補充：
另外,除左樓上所講由一隻角向其他角分割,將多邊形切開成三角形既切法之外,亦可以將多邊形由中間任意一點向每一隻角分割開去,於是多邊形每條邊就會形成一個三角形, n 邊形就會分割成 n 個三角形, 咁內角和就會係 n x 180 度,但注意因為要扣返開始個點,因為圍住個點會剛剛成為一個圓圈,即係 360 度,所以要減返 360 度, 即係 n x 180 度 - 360 度,亦即係 (n-2) x 180 度

2007-12-26 15:30:34 補充：
樓上個位...係係係..你岩你岩...我錯我錯...係我錯...係你老師錯...係教育制度錯...你無錯...你唔解畀佢聽係我錯你唔識三角形內角和係 180 度點解係我錯你話人講左等如無講咁無禮貌都唔知自己衰乜係我錯係係係...你無錯...哈哈哈...對唔住呀~樓主選答案或者投票記住千祈唔好選我呀...我唔要呢 d 分呀..我做錯野呀...哈哈哈...救命呀...好好笑呀...哈哈哈哈哈版主,你要 delete 我就隨便啦...反正呢度既質素...哈哈哈哈哈哈哈哈哈哈哈哈哈哈哈哈哈哈哈

我諗你問緊多邊形內角和
如果係就:
(n-2)x180
n係多邊形o既邊/角數:例如:五邊形就係5
計出黎o既單位係"度"
如果要計正多邊形o既其中一隻內角,就將上面個答案再除n
例如正五邊就(5-2)x180/5

邊形數...我實在諗唔到其他"公式"
如果唔係呢個,其他我都可能識,不過你要講多d啦~

2007-12-19 01:12:59 補充：
下面o個位講左好似冇講咁...如果你想知就睇呢度首先要知三角形內角和係180度(點解?..我都唔知,但一定係,之後好多數都係呢個做最基本,記住佢)之後可以切個多邊形,由同一個角向其他角切你會發覺一d野:1.n角形可以切到(n-2)咁多個三角形2.d三角形o既角會同多邊形o既角重疊咁即係話,d三角形o既內角和=o個個多邊形o既內角和

2007-12-25 23:59:40 補充：
樓下o既老師,"下面o個位講左好似冇講咁..."純粹係我個人意見,如果你要向負面處諗,我都阻你唔到而我呢句句子,係有根據o既你提過"三角形內角和係 180 度",但係之後又話"似乎對小六又太深,所以都係唔解啦"呢d係"有責任搞清楚個同學已經識 d 乜野,需要識 d 乜野"咩?你未搞清楚就認定左人地唔識,根本就係自相予盾 續...

2007-12-26 00:00:06 補充：
"將三隻角剪佢落黎砌埋佢,你就會發現佢地剛好排成一條直線,即係 180 度",冇錯呢個只係驗証方法,所以我冇提,因為樓主係要知點解而第二個方法就係樓主要問o既野,o係我o既補充已經講左,如你認為自己o既解答更清晰的話,隨得你,而且呢個唔係三角形內角和係180度o既原因"記住佢"呀sir係咁教我,而我都知呢個係教育制度o既問題,教科書冇講,而從呢位老師o既口中推論,而家o既課程都係冇講點解o既續...