17/12(一) (1) 由學車開始到考獲車牌, 大約要多少時間?

首先睇下你自己去率手續, 定係搵駕駛學校代辦. 一般駕駛學校代辦會快一點, 因始終是一門生意, 上心一點.
由你首次去報名計. 大約 1 星期後, 駕駛學校會將 "學習駕駛執照" 同筆試信比你. 通常筆試日期係 6 星期之後, 期間你可以自己溫習又得, 去駕駛學校上筆試班又得. 筆試及格後, 運輸署會馬上通知你路試時間, 通常是筆試後的 2 個月. 收到路試信後, 便可找駕駛學校安排師傅學車, 學車鐘數你自己決定. 運輸署建議初學者最少需要學 30 小時.
假如你好彩 1 take pass, 由報名後計大約是 4 - 5 個月左右. 但如果路試肥左, 要再考, 就要預多 2 個月. 大吉利是再肥, 又多 2 個月... ; 我剛剛考到車牌, 不幸要考 3 次, 由報名一刻計, 一共用了 8 個月, 約 10000 蚊.

到沙田學院學喇，個度報個至尊課程，固定老師，固定專車，固定路線，個老師會安排最好的考試時段給你(少人少車時段)。我九月底報名，剛考试完畢用了三個月，仲係一take pass，缺點是價錢超貴: around 11500，考完沒路面經驗，優點係專人專車，仲係平治客貨Van，考試掉頭可用5手軑。

時間就唔係自己定既
首先，你要報考筆試，等筆試合格，唔係就唔可以報考路試
筆試合格之後，就會即時排期報考路試，你又要買路票(即學習駕駛執照)，
路試大約會係筆試合格日起計2~3個月後左右啦，
之後你學車學成點，就睇你自己啦.....