冲奶問題?

冲奶要用幾多度嘅水温呢?
你沖好後可以將少少奶滴係自己手背感受溫度會否太熱

初生嬰兒要用幾多奶粉和水要幾多？
幾多奶粉就睇你用咩牌子, 例如開1安奶, 有d 係 1平匙奶粉開1安水, 但有d係2平匙奶粉開1安水 (記得先加水, 後加奶粉)

又幾多小時餵一次?再大Ｄ又該怎樣?
1-3個月 >> 3~5安/次, 6~8次/日
4-8個月 >> 6~7安/次, 4~6次/日 (呢個時候開始, 可以慢慢加副食品)
9個月- 1歲 >> 6~8安/次, 3~4次/日

初生嬰兒又可否放在BB車出街呢？
可以, 但唔建議去人多的地方, 天氣凍都要小心

冲凉時浴室溫度又應否注意?
要關好門窗, 注意水溫(記得先加凍水, 再加熱水)

睡房溫度又應該幾多呢？
唔太熱, 又唔太凍, 其實只要為bb做好保暖, 係室溫都無問題~

冲奶要用幾多度嘅水温呢?
我買左一個日本名廠熱水煲, 佢有一個調溫制係調到60度水溫架, 個度標明係FOR沖奶用既, 我試過呢個水溫愛嚟沖奶, 因為加左奶粉後水溫會低左, 呢個水溫沖既奶BB飲無話覺得熱, 我而家一直都用緊呢個水溫嚟沖奶比佢飲, 好方便, 不過如果係真接比水BB飲, 呢個水溫就要加D凍水, 如果唔係太熱嘞!

初生嬰兒要用幾多奶粉和水要幾多？
通常1 oz奶粉沖1 oz既溫水, 要留意你買個隻牌子既奶粉個匙容量係1oz 定 2oz, 因為隻隻牌子唔同架! 我個b而家差唔多2個月, 佢頭一星期就飲2oz, 一日8-9餐, 2-3小時一次, 到第二個星期就飲3oz, 又係一日8-9餐, 2-3小時一次, 到第三個星期就開始比佢食4oz, 約4小時一次, 一日約6餐, 不過我覺得唔使話太刻意去以一個特定既時間去餵奶比bb飲, 因為有時未夠鐘, bb肚餓又會喊奶, 有時佢瞓左覺, 又會瞓過龍唔起身飲奶, 我最初都成日想調教佢4個鐘飲一次奶架, 未夠鐘唔比佢飲住架, 不過佢有時三個鐘已經喊定先, 又好肚餓係咁扭, 我當時唔識都手足無惜, 係咁抱佢到夠鐘先比佢飲, 之後有個有經驗人士同我講, bb仔肚餓就要飲奶架啦! 呢餐早左, 下餐又可能會遲d先飲, 再唔係就係4oz唔夠飽, 咪會喊肚餓要加奶囉! 最緊要要識得識別bb係肚家喊定其他野喊囉! 我個b而家雖然已經差唔多2個月, 但佢都係依然飲4oz-4.5oz奶架咋, 我都想比多d佢飲, 等佢唔好成日提早喊奶, 但佢又飲唔落咁多喎! 總之佢而家就約3.5-4小時一餐奶, 只要bb體重係正常咁增長, 無話唔夠營養就可以架嘞!

又幾多小時餵一次?再大Ｄ又該怎樣?
其實你飲個隻牌子奶粉, 個罐面係有建議你咩時候食幾多架, 隻隻牌子都唔同既, 而且每個bb胃口都唔同, 有d大食d, 有d細食d, 只要唔差太遠就可以了!

初生嬰兒又可否放在BB車出街呢？
當然可以啦! 只要係用適合初生bb用既bb車就可以了! 不過出面咁多細菌, 我都係比較小帶佢出街, 等佢大小小先出多d囉!

冲凉時浴室溫度又應否注意?
一定要關好門窗, 初生bb凍親好大件事架! 不過除非好凍啦! 無必要我唔會開暖風機囉! (我到而家都未用過!)

睡房溫度又應該幾多呢？
唔太熱, 又唔太凍囉! 但一定要空氣流通, 開小小窗! 我會用嬰兒被袋for bb夜晚瞓覺用囉! 用連腳都包埋個d, 再係面加張被仔就ok了! 因為bb d天殘腳好勁, 成日"附"被, 用被袋佢"附"唔到被唔怕冷親呀! 夏天可以加肚圍, 又係防冷親架!