賣樓程序、、、(15分)

1.水費按金、電費按金、煤氣費按金、管理費按金及費用怎處理？月中成交，交不交管理費？誰追買家付上述的費用？

水費按金、電費按金、煤氣費按金可由你自己或你搵經紀在成交時向水電煤公司索取。
管理費按金，要視乎管理公司做法，如果該管理費按金是可轉讓的，你便可透過律師行幫你向買家攞番d錢，如果該按金是不可轉讓，只可退款，你便要等新買家交新按金到管理公司後，你便可向管理公司取回舊按金。
月中成交，其實你交唔交都無所謂，因為可以透過律師行做對數表，差餉地租管理費可按比例日數向買方計清楚。不過如果你按緊銀行geh 話，我建議你交左先，因為你有責任在按揭其間要交晒所有差餉地租管理費(當然包括你成交日或之前啦)，你交左先，最多透過對數，問新買家攞番錢。


2.幾時給銷匙？
成交當天，當你的律師收到新買家律師行送來的樓價尾數，你便要交鎖匙。
交鎖匙方式有兩種︰
a. 透過經紀，你可於成交當天交鎖匙比佢地，並分咐佢地要等到你geh 律師來電，確認已收到樓價尾數，才可放鎖匙。
b. 透過律師行，你可以成交當天早上或之前交比律師行，佢你的律師行收到錢後，便會把鎖匙交給新買家律師行

3.連傢俬賣如何處理？
如果傢俬已列入臨時約內，你必須於成交當天一併交給新買家，你不可擅自搬走架，否則人地有權claim 你damages 架！

4.如果發覺律師唔好，可以中途換嗎？
可以，通常正式合約內，都會有一條條文︰賣家可換律師，但你必須要通知新買家或
新買家的律師，並且要不少於成交前七個工作天

5.律師是否包收一切費用？
不會。律師費用通常包括以下服務收費︰
1. cost：做買賣合約、贖契、樓契
2. disbursement : 土地查冊費、贖契註冊費、車資、影印
但你要記住，一定唔包補契費
由於你係賣方，你是有責任提供良好業權給新買家，如你的契唔齊，律師行會幫你在土地註查處申請補契，一般補契費由二百五十至幾百蚊不等


6..律師是否扣起欠銀行的錢、律師費，才把餘款給賣家？
係。尾數一定會扣除你欠銀行ｇｅｈ　錢、律師費，有淨先會把餘款賣家。

7.會不會律師突然有些古怪費用要徵收？
唔會。

8.幾時給佣金？有無得加佣或減佣？如有，幾時協議？
緊係成交後先比佣金啦！
你要記住，有ｄ經紀行，在臨約有一行好細ｇｅｈ字，叫ｄ買／賣家在你地簽正式合約時就要用佣金。我建議你在成交後先比佣金。
佣金加減ｇｅｈ　野，係你地自己協議，最好簽臨約時協議埋啦！

9.找獨家代理好，還是幾 家代理？
我覺得搵多幾家好ｄ。

10.收了訂後，又唔想賣。怎處理？
你意思係咪收左細訂之後，你要諗清楚︰
如你只係收左細訂唔想賣，而你又未收大訂，
你必須要通知新買家你唔想賣(臨約不可寫死︰必買必賣)
但你要賠雙訂、新買家律師費、新買家代理佣金。
但如果你收左細訂，並收埋大訂，你便唔可以唔賣
因為正式合約大多為必買必賣，
新買家除了向你追討一切損失，
你要知道，一但簽了正式合約，合約必為必買必賣，意思即係任何一方可向法庭申請強制執行令，強制買賣雙方任何一方一定要賣/買層樓。

1.管理費照交, 一切水電煤按金, 管理費按金,差餉等等, 經雙方律師對數.
2. 交吉交易買賣, 買方驗樓後, 經地產代理或律師交鎖匙都可以.
3. 交吉交易買賣時, 買方多數不要你的傢俬, 而多數要你清場, 入牆的不用你拆走, 可搬走的絕大多數要你搬走. 即冷氣機,燈,可留下, 樓價已包括這些在內, 買家要不要你的洗衣機, 雪柜, 在睇樓及傾樓價時已經要傾妥.
4. 律師唔好當然可以中途換, 但可想像會很麻煩及複雜, 一開始便不能錯, 即先問清楚朋友那些律師好, 銀行通常有律師名單, 有平有貴可選擇.
5. 有可能. 費用一般分兩種, 一種是政府費用, 一種是律師費用, 政府費用是付給政府, 不會多收, 律師費用則要問清楚, 包不包政府費用及雜費.
6. 是.
7.會. 有時會攪錯, 重覆收一些註冊費. 有時因物業曾經改則要你補做一些文件要另收費, 收多少要問你的律師, 到時要再睇是否可以拆到招.
8.一般是收到樓價尾數後才付佣金, 因為未完成交易前仍有可能發生變化.
9.獨家代理對你有什麼好處呢? 一般是幾 家代理. 不過都要小心代理都是有好有不好.
10. 收了細訂(簽臨時買賣合約時)又唔想賣, 可以賠訂,賠佣金. 同樣, 買方亦可以撻訂,賠佣金而不買. 但如果收了大訂(在律師樓簽正式買賣合約時), 雙方都是必買必賣, 一定要履行合約, 如果毀約, 賠償會非常,非常之大.