司馬懿和諸葛亮係唔係各有擅長!!!!!!!!

若果講三國誌：

　　諸葛亮擅長大戰略（全局嘅戰略）、規劃能力、治國能力，軍事上邊就擅長演練陣法。三國誌就話奇謀同應變嘅能力係諸葛亮嘅死穴。

　　司馬懿擅長忍功、城府心計、行軍打仗會見機行事。


若果講三國演義：

　　諸葛善攻，司馬善守。諸葛孔明係奇才，天文地理、奇門遁甲、醫術、相學、哲學、兵法、權謀、詭計、治國、識人、統御……除咗唔打得之外，樣樣皆精，神一個。

　　司馬懿一樣係足智多謀，不過就冇諸葛亮咁全才。佢有郭嘉咁嘅先見之明，曹操咁嘅詭變奇謀，荀彧咁嘅戰略才智，周瑜咁嘅統率力，最緊要係佢自己係演技派，城府比起曹操係青出於藍。

　　兩個人都有三國時代最頂尖嘅智力。用我自己嘅話講就係：兩個都唔係人。諸葛比司馬略勝一籌。亦有friend同我講：諸葛係詭道，司馬係王道。

2007-12-16 22:00:45 補充：
　　仲有就係兩個都係圍棋式思維嘅人，一計就會計到你十幾二十步棋之後嘅事，即係古人講嘅“謀勢不謀子”。　　我私人覺得演義雖然好多係老作，但假唔嗮；三國誌話就話係正史，但係亦眞唔嗮，兩本嘢溝埋再推理一下就大致知個眞相。

2007-12-16 22:01:01 補充：
　　仲有就係兩個都係圍棋式思維嘅人，一計就會計到你十幾二十步棋之後嘅事，即係古人講嘅“謀勢不謀子”。　　我私人覺得演義雖然好多係老作，但假唔嗮；三國誌話就話係正史，但係亦眞唔嗮，兩本嘢溝埋再推理一下就大致知個眞相。

佢地都係思考形人