✔ 最佳答案
A.正常情況下,係唔需要用手俾水俾鼠鼠飲,放水樽入籠就可以
多數你拎住水樽,鼠鼠反而唔鍾意飲,而當水滴落物品上,鼠鼠見到就會睇唔過眼地舔左去,唔知點解鼠鼠會有咁既習慣,但我養過既鼠都會咁做,有時洗完籠抹得唔夠乾,鼠鼠都會將籠上既水舔走
如果鼠鼠有咩唔舒服唔肯飲水,可以用你而家既方法,當然要洗乾淨物品先,再滴水落去
B.鼠鼠死基本上有三個處理方法:
1)掉落垃圾桶or垃圾房
我多數會用鼠鼠訓開既瞭望台加紙盒or紙盒裝住死去既鼠
加大量木糠在底,放上鼠屍,再加木糠及鼠糧,再用封箱膠紙封好個盒,再用袋袋好,再封住個袋,先直接掉去垃圾房or垃圾桶,最好盡快去到垃圾箱
2)交獸醫處理
資料來自環保署:
(
http://www.epd.gov.h k/epd/tc_chi/environ mentinhk/waste/prob_ solutions/ani_carcas s.html)
在睇獸醫時死亡,獸醫會代你處理屍體
目前大部份動物屍體均透過許可證方式在環境保護署轄下的堆填區處置，只有很少部份會火化。
如果動物係帶有病菌,就屬於醫療廢物,其實大部份處理方法都係同以上所講既一樣,但都有其他情況,如下:
a.熱能處理技術
b.另類及其他嶄新的處理技術
詳情可到我回答的知識度睇下:
http://hk.knowledge.yahoo.com/question/?qid=7007061904662
3)寵物善終服務
可以打電話俾一d寵物善終服務既公司,我未試過但睇過有關網頁,鼠鼠死左之後打電話去,等唔係好耐就會有人上門收屍,再跟據主人既意願去火化處理,再睇下骨灰係土葬or海葬or入骨灰盎等.詳細可以參考以下網頁
http://www.petsheaven.com.hk/index.htm
我唔知佢收幾錢,但如果你想問詳細D,可以SEND EMAIL去or打去,我之前send過email問,好快有回覆,好似裝骨灰個盒都要2百幾
鼠鼠死亡有以下事情需要留意:
1)切勿自行埋葬鼠屍到公園等地,因為自行安葬屍體,係違法既
2)澈底同鼠鼠既籠同用品消毒先放第隻鼠入去,可以洗好之後用消毒藥水(用呢個就要風乾,再放一段時間先可再用,唔係會有殘留物質在上就唔好啦),動物專用消毒劑or牙膏去清理
3)如果同時有第隻鼠鼠同死去既鼠有接觸,就要小心檢查健在既鼠會唔會有咩病,睇下死去既鼠會唔會有菌or有病傳染俾鼠鼠,都要睇下餘下既鼠鼠有冇外傷,排泄物同身體有冇異常
4)當然,都要調節個人及身邊既人對鼠鼠死亡既悲傷心情
2007-12-16 20:27:32 補充：
我又唔覺得將鼠鼠既屍體掉左佢就好衰,我個人睇法係,對鼠鼠好係在鼠鼠在生既時候去做,而死左既屍體已經冇感覺了鼠鼠壽命短,如果隻隻去火化,一來好難安置咁多既骨灰,放在家家人未必會接受,安放寵物靈堂既話,太多隻都真係唔少錢,二來花錢去處理屍體,倒不如將呢D錢用唻對鼠鼠更好,又或去做一D善事,唔係更好嗎?如果人都可以咁掉屍體,我都好希望當我有日死左都係咁處理,方法簡單,花錢落我既屍體上,倒不如將錢去幫助未死既人OR動物,不過我都好明白好多人都難以接受我呢個諗法
2007-12-16 20:33:01 補充：
如果係鼠b唔識飲水,其實要留意返水樽會唔會放得太高,正常出水冇問題,唔會放太高,鼠b都會識得去飲,因為會跟鼠媽媽學到返唻
2007-12-17 12:46:28 補充：
鼠鼠死在籠最好當然係消毒一下,唔係對人同對之後既鼠都唔好,上文鼠鼠死亡要留意事項第2點有提及
