法律問題 (如果有警察或律司解答就更好了)

老實講, 件事真係有d古怪. 我睇完你所講, 即時有幾個疑團:
a. 如果買賣雙方都在香港, 電話亦唔係平價貨, 點解會用郵遞, 而唔係約係地鉄站當面交收? 買家又會咁順攤俾錢你先嘅? 唔驚你收咗錢失踪咩? 我係買家都想驗咗貨先俾錢啦! 買家亦會驚俾咗錢收唔到貨, 寄失, 寄到黎原來電話死嘅, 又或在郵寄途中有損壞. 其實係邊個話以郵寄交收嘅?
b. 有幾多人會收郵包時, 即時在郵局內打開, 並請職員為佢做証? 唔通佢早知入面唔係電話?又會有幾多郵局職員咁得閒? 公務員最怕事, 如果拆開咗真係有事, 佢唔驚要做証咩? 到時又要上警署又要上庭, 點同上司解釋? 話自巳八掛幫人做証搞到要上警署?
c. 買家是否存款入你自已的戶口? 如果你存心以MP3代電話嚟呃佢, 會唔會用自已的戶口? 唔驚警察跟到?
d. 坦白講, 郵局一日有咁多人一齊處理咁多郵包. 你話有郵局職員攞咗你個郵包, 開咗佢, 攞走電話換入MP3, 再封番, 再寄, 而無其職員見到, 我真係覺得無可能囉. 再者, 郵局職員又點知郵包入面係電話呢?
答番你問題:
1. 如果買家報警, 你有無收據都可能被檢控詐騙. 因為有收據都唔可以証明你所寄的是電話.
2. 你絕對有權保持緘默. 根據經驗, 在被判有罪的案件中, 超過90%都係因為在警察前講錯嘢而入罪的. 你個case係你同買家口同鼻拗. 你俾唔俾口供, 都証明唔到你有寄電話而唔係MP3. 講唔講無分別, 所以我贊成你保持緘默好d.
3. 你係無可能証明郵局內有人犯罪的. 所以你亦無可能追究郵局.
4. 如果個買家報左警, 咁就進入咗司法程序. 個買家再無權, 亦唔可以話唔告你. 所以你賠唔賠俾佢都無分別. 警察要告你, 賠左都會告. 反而你賠償俾佢, 重令人想到你真係有騙佢, 而家告到上警署, 你就驚咗, 所以賠償給他. 而且如果你諗住賠償左俾佢而叫佢唔好告你, 你就犯左防礙司法公正及搔擾証人, 重大件事!
老實講, 件事只有兩個可能. 一係你真係有呃人, 一係就個買家屈你. 買家要在郵局診職員唔為意偷龍轉鳳, 再揾個職員做証, 一d都唔難. 事實上有無呢個郵局証人都係一個疑團. 如果佢屈你, 佢未必夠胆報警. 如果你真係行得正企得正, 佢報警你又使乜驚?

根本成件事可一語道破－－－－－－

點解偷龍轉鳳個人唔索性放舊石頭落去，而放部ｍｐ３　？

一ｄ都唔ｍａｋｅ　ｓｅｎｓｅ　！！！

老實講, 我唔信你










.

先賠償會等於自動放棄追究權。
怕多事就啞忍,賠了當得個教訓。
若要討回公道,就惟有交由警方處理。怕錄口供時講錯不利自己的說話,就得找個律師“教路”問題是利害得失,自己好好衡量。

如果你冇講D唔講D,買家講嘅又係事實.我覺得件事以幻海奇情多過似單騙案.
1) 我的手提電話收據已連理電話一併寄出，所以我沒有証據証明我所寄的是電話，這樣我 會否有可能會被檢控"網上詐騙"呢?
如果買家去報案.DO最多當係商業糾紛.除非報案人有三,五,七個.手提電話變MP3.就算值日隊肯落口供.最後都不了了之.

2) 我很怕最終被當成罪犯，所以有朋友建議我，當我收到差人通知要去落口供時告訴差人，我運用市民的權利，拒絕回答所有問題，因為差人冇可能有証據証明我行騙，所以為免差人在落口供時誤導我，最好索性唔答任何問題。請問我朋友的建議可行嗎?
冇錯,保持緘默係市民有嘅權利.但你諗吓,差人坐底同你攞口供.你唔肯講野.佢會點諗?通常覺得自己冇錯嘅人會從自己出世个日講起,以示清白.啲人唔出聲通常係自己知自己事,避免講多錯多.

3) 如果那個買家真的冇講大話，即係話郵局內有人犯罪，我可以怎樣追究呢?
4) 如果那個買家死纏我不放，而差人又唔信我的話，我應否首先賠償給他，稍後才向郵局追討，免受檢控，我這個想法對嗎?
3同4一齊答:因為我都唔信關郵局事.唔係話郵局冇人偷野.但攞咗个電話擺番個MP3入去就真係匪夷所思.我覺得出問題一係你pack時俾人換咗.一係買家打開時.佢話郵局有人做證.我又奇怪我去郵局攞包裹時又冇人得聞睇我打開嘅!
至於你講嘅方法不失係一個方法.至於事後追究郵局,睇怕冇人啋你.
答到而家至諗起.多口一句,件事係唔係香港發生?