法律問題 (如果有警察或律司解答就更好了)

用戶216348

2007-12-16 10:33 am

我在拍賣網站賣了一部電話，收到買家存款後，在郵局買了一個盒載著，用掛號寄出，數天後卻收到買家投訴，話拆開郵包時，竟然係一個mp3，要求換翻俾佢。我以為佢想屈我錢，所以佢絕了，但佢話在郵局內打開，有職員可為佢做証。我懷疑在投寄途中被職員做了手腳，但郵局長一口咬定冇可能，仲話郵件處理人很多，要查也不易! 現在那個買家仲走去報警話我詐騙。我想問:

1) 我的手提電話收據已連理電話一併寄出，所以我沒有証據証明我所寄的是電話，這樣我會否有可能會被檢控"網上詐騙"呢?

2) 我很怕最終被當成罪犯，所以有朋友建議我，當我收到差人通知要去落口供時告訴差人，我運用市民的權利，拒絕回答所有問題，因為差人冇可能有証據証明我行騙，所以為免差人在落口供時誤導我，最好索性唔答任何問題。請問我朋友的建議可行嗎?

3) 如果那個買家真的冇講大話，即係話郵局內有人犯罪，我可以怎樣追究呢?

4) 如果那個買家死纏我不放，而差人又唔信我的話，我應否首先賠償給他，稍後才向郵局追討，免受檢控，我這個想法對嗎?

雖然話行得正企得正，但都係好驚呀! 請各位幫幫我啦!!

回答 (1)

菇子

2007-12-16 10:50 am

✔ 最佳答案

1. 有可能,因為對方所收到ga係與事實不符ga貨物,佢有權咁做.不過如果你寄去果個盒同佢收到果個盒係唔同款,咁可以証明你係寄o左電話,不過點証明個盒有冇唔同我就唔清楚

2. 我諗你冇可能一直唔講o野,即使有保持緘默的權利,但到最尾都要有人代表你講o野(如果你想一世都唔開口落口供的話)

3.如果你認得寄果陣邊個幫你收件貨,可以試o下同郵局最大粒果個講(或者循警察),叫佢地check o下,我諗郵局可能響處理郵件ga地方有監視器

4.對,不過你要親自同個買家傾,要佢同意走去消案(如果佢報o左警),咁你先唔會俾差人捉.

不過我覺得一係個買家講大話,一係郵局d人俾錯貨
最好對o下個掛號no.(買方+郵局方面),咁可以睇o下有冇俾錯郵件

以上係我意見.......希望對你有用

2007-12-16 13:57:21 補充：
i)你睇o下可唔可以check番郵局提供果個盒係咪買家收到果個盒iii)依家你點賠俾果個買家先?你試o下同佢講話賠番個一模一樣ga電話俾佢+佢bid o左ga錢(2樣都當面交收),睇o下佢答唔答應,如果佢答應即係佢想昆你,如果佢堅持指控你即係佢冇昆你(即係收錯貨或郵局有出錯)其實你響拍賣頁有冇寫明郵寄風險買家自負時如果你寫o左可以當係免責條款,你都講明郵寄有風險,最好出黎交收,依家你又用掛號寄,已經防止平郵寄失的風(假設別人信你寄電話)我諗你已經証明唔到你寄乜,最重要係如果check到郵局有出錯你就冇事,所以你可以做就係要郵局幫你查,唔好再將個焦點証明你寄係咪寄o左電話

👍 0 👎 0