林伯 vs 謝老四

雖然我係車仔球迷,
不個我都係覺得Gerard好D囉!

林伯既表現, 我認為係平穩加中上!
佢係車路士唔係主力入波既, 多數做中場交波,
間唔中有得射下罰球囉...
所以講到光芒就無杜奧巴, 舒夫真高等咁勁~

不過佢真係好百搭, 除左自己地盤中場中,
乜野位佢都可以幫下手, 守又得攻又得~

而且林伯出晒名係勁勤力,
最早到球會練波, 又最遲走, 多數係佢!

唔怪得以前摩連路咁鍾意用佢,
只要佢唔係受傷或者有乜野冬瓜豆腐,
基本上場場佢都有得做正選!

至於謝拉特, 佢係Liverpool 多數打中前位置,
經常有入波, 或者幫隊友補射入網,
表演好穩陣, 真係正牌國腳囉~

正所謂一山不能藏二虎,
兩個都打同一位置,
放埋一齊多數都唔協調
仲可能亙有心病, 唔肯交波比對方!

如果一定要兩個人都放入國家隊...
唯有將謝拉特放係前面, 拍住朗尼, 做雙箭頭,
林伯放後少少做中場支援囉,
有時佢係後面就可以間唔中幫泰利守下...
咁擺我諗會好D囉~

謝拉特好d