一d感情問題要解決

你可以當呢段時間係觀察期,以呢d男仔計,通常唔到半年就會露出真面目,咁你就要以一個觀察員既身份去對待佢,睇下佢半年後仲會唔會對你咁好。
雖然係煩d,但你都唔想錯過,或者被hurt架?
你實在唔會查得到,只係知道"路遙知馬力,日久見人心"
如果你只當係觀察期,就唔好咁聽佢支笛,佢叫你遠離班男仔,分分鐘係想你認真,跟住之後飛左你。面對住d有前科既男仔,點可以唔小心?
你同男仔傾計沒錯,你唔需要而家聽佢支笛,反而由d男仔口中知道多d關於佢既野有助於你確定佢既目的
如果佢係呢半年內對你有性既要求可以飛得,9成係搵完你笨就甩左你
如果佢要求你作出親熱行為,例如咀對咀等,次數唔可以多(你預見幾5,6面先有一次),唔係你會愈來愈難自控,要求太過份要藉故拒絕。
通常,如果你既做法令佢反感,即係你既做法滿足唔到佢既慾望,顯示出佢從來沒對你認真,只係單單覺得你係一個玩伴,唔飛左佢仲有咩用?
你唔好對佢咁好,你只需要當佢係一個比較好d既朋友咁對待就得,只要個心保持住呢個心態就可以容易用觀察者既身份去判斷佢真定假。
唔好以為我係度嚇你,其實我都係一個男仔,都明白男仔既心態大概係點,況且類似你呢d問題我都答過,都明白有d男仔根本就係玩女仔既感情,甚至來到已經發生左之後先來問既都有,我唸你都唔想再問多一條"男朋友話要分手,點算..."既問題架?

有時有d野知得太清楚唔係一件好事,要視乎係對這段感情有幾應真,既然令你咁不安的話就唔好咁投入喇,慢慢睇下這個人比唔比到安全感你先啦,但唔係叫你去查佢,而係用你既直覺去feel佢的說話係真家係假,
愛情就好似找出洋蔥的核心 , 當你不斷搵既時候 , 最後只留下一堆眼淚...
知道越多就越煩...越傷心....當局者迷 , 旁觀者清...能醫不自醫....
但你要記住(謊言總係美麗，係愈美麗既謊言～就愈能騙到人)

睇你既情形, 你都應該係好細個, 要知道個男仔係唔係好人, 有時真係要靠身邊既朋友作暸解. 每一個男人有要求既時候, 乜野佢都話對你係最好.....真係要時間作暸解...唔需要太強求, 平常心對待便可.....先做朋友...然後再作打算....