trumpet a',b',c'好難吹!!!

你好,我學左4年trumpet,都跟過學校orchestra。
但係今年就唔到時間上堂,所以停左冇學。
trumpet既其中一個特徵係掣少,非常依賴嘴形,所以一控制得唔好就會好似你所講吹唔到個音。
而我阿sir成日都講,trumpet既音色要悅耳,每個音都要落足功夫嘗試掌握氣度同嘴既力度。
學trumpet真係唔可以諗住走捷徑,平時練習係少不免既。
因為如果急功近利,個底打得唔好反而會令個嘴唇愈來愈緊,到最後係迫上高音。
我諗你學左咁耐都知warm-up好重要,唔知你會點做warm-up呢?
我建議你每次正式吹歌前都抽個嘴出黎(唔連trumpet個身),首先憑自己既嘴唇放鬆收緊逐個音吹,之後先插番個嘴落支trumpet度再逐個音吹。
然後揀D連音練習好似(連)C'E'C'GC... ,跟住先開始練歌。
我都覺得連音練習有用,例如連E'F'G' , E'同G'都按1, 咁可以試下自己究竟平時吹G係唔係硬[迫]上去呢?如果係[迫]既應該吹唔到E'F'G'反而變左E'F'E'.
我都知你好渴望快D上到A' ,但係千其唔好俾壓力俾自己。
吹到幾多個音同學左幾多年係可以唔成正比既,多練同俾信心自己啦!
同埋了解自己都好重要。
吹trumpet依唇可以分成兩種人,有一種人吹到C比吹G自然,另一種人吹G較吹C輕鬆。
你最好睇下你屬邊種人,因為佢地各有各特點。
放鬆個嘴吹到C既表示嘴唇夠軟,佔優勢。
吹到G既即係嘴唇屬大力,咁就要注意:唔好稍為吹高少少音就將嘴唇收得好緊。
當嘴唇收得太緊,即使你用好大度氣吹,個出氣既範圍太少,就唔會成功。
盡量試下嘴唇唔好收得太緊黎吹高音。
不過只要用啱方法練,嘴唇屬於任何一種都可以技術精湛既!
希望以上意見幫到你!
我學得唔夠你耐,唔知可唔可以俾到新知識你。

通常吹高音係要放鬆同埋用多d氣先易吹ga
你要放低支小號，練習用丹田呼氣，同時注意喉嚨要放鬆，你道氣要無障礙地呼出。然後，你要練習吹小號時，同樣喉嚨放鬆，只用丹田氣加嘴唇，不過做唔做到要看你自己有無心理障礙，因為你可能怕吹唔到，不其然喉嚨又緊張起來，亦可能你要花一段時間後才做到。

如果你想吹到8級，你就要有正確的用氣方法。

我現在才5級za!!!!!!!!!!!!