男仔會唔會中意睇愛情小說?

2007-12-16 6:50 am

✔ 最佳答案

基本上係，因為愛情小說啲情節喺男仔心目中係好婆媽，劇情好似來來去去都原地踏步，失去左追小說嗰種刺激，睇左前段好多時已經唔會睇落去。
如果個男仔鐘意你，佢或者會因為想討好你而好似溫書咁去睇，然後好似考試咁喺你面前講番啲情節同討論佢嘅讀後感，基本上已失去為左興趣而睇嘅意義；如果個男仔唔鐘意你，仲衰，佢會覺得睇又唔係，唔睇又唔係，事關睇又真係冇乜興趣，唔睇當你問起佢時，佢答唔出，又好似好唔俾面你咁，送禮物俾佢反而為佢添加壓力，所以佢可能唔會收呢份禮，或收左之後轉頭即刻俾番你，或收左但唔睇，但又怕你問佢書入面嘅野，於是避開你。
總之，你送愛情小說俾男仔，最後都係盞自己冇癮。