用棉花棒抹走眼內的竹碎，常見嗎???

我冇睇果集囉。不過，今晚睇過阿Sa湊仔果個，覺得真係好搞笑囉。一個廿幾歲嘅女仔，原來真係可以咁低能嘅，真係估佢唔到囉。

唔知係好彩定係唔好彩，我中學同大學讀書果陣，識唔到幾多個女仔。中學果陣，掛住做Head Prefect，寸走晒啲女。大學果陣，又讀Civil，又攪學生會，又掛住打機同打小報告，冇時間去識香港女仔，有時間都去左補習同埋做醫療輔助隊搵錢洗。大學畢業之後，又返左大陸做野，冇乜識到女仔囉。熟果啲中學女同學、大學女同學，都好鬼快就做左中產女強人，強到我到唔夠膽搵佢地喇。做義工識果班，全部都係施奶兵團。真係，我識親同我差唔多年紀嘅女仔，十個有九個都係大陸妹，因為畢業冇耐就返大陸做野喇。

「有邊個香港人會咁『得閒』去咁做？」果個咪阿Sa囉。

你睇下英皇果啲女歌星啦，好似Yumiko、Mandy呀，個個都係低能當可愛嘅。一係就係成個撈妹咁，好似以前個小雪呀，張栢姿咁，呢啲咪係香港而家嘅後生仔，細路仔嘅模仿對象囉。好少少嘅容祖兒同阿嬌，都唔見得好正常囉。

而家香港最興嘅咪係「兩極化」囉，唔單止講梗呢個打工仔嘅收入呀，仲包括而家啲細路仔嘅操行，女士們嘅智商囉。老實講，我阿媽因為我同個大陸女仔（而家個老婆）拍拖，同我開大片果陣，我都係咁同我阿母講：「我都想喺香港搵女朋友啦。我而家一個月人工得果幾千銀，我鍾意果啲我都唔夠膽去追，我有能力去追果啲，你見到都想兜巴星佢啦。」

兩極化同埋「可愛轉型」呢個問題，唔知道係教育嘅問題，定係「社會嘅問題」，我都想搵阿志雲生同埋阿楊老闆或者商業二台嘅總監做邊個專訪，好肯「虛心」咁問下佢地嘅意見。希望有一日，好以阿林海鋒生咁講，志雲生下次開「志雲警局」請到阿楊老闆食飯果陣，會問下佢呢啲教育問題或者文化問題啦。

其實，你呢個問題，我諗，阿下阿Sa老豆老母會好啲囉。不過，如果真係問嘅話，就一針見血啲會好啲囉：「點解你會冇有個咁都做得出嘅女架？」

我好鍾意之前有位網友講到：「父母的疏忽是難辭其咎了！」（http://hk.knowledge.yahoo.com/question/?qid=7007120205494&others=1）我覺得呢句野永遠都係啱個囉。

2007-12-16 21:58:59 補充：
如果有朝一日，我真係咁唔好彩，好似阿珊珊咁，欠左人地成「四百萬」嘅終身債務嘅話，我會第一個時間Trade走果部放左喺廳度嘅LCD TV佢囉，廢事「禍延後代」啦。（不過，我一定會買返部放喺自己間放度嘅。了解下人生百態丫嘛。睇完《阿Sa真係Show》然後，真係唔可以唔好驚訝咁講句：「原來一樣米真係可以種出百九幾萬樣人架！」）

在「Yahoo知識+」流連了好一段日子，此時此刻，心底裏有著很多的納悶，只想到達明一派的歌《今夜星光燦爛》的歌詞：
http://ktzhk.com/lyric.php?action=lyric&lyricid=52635&srid=1277
紅黃綠燈驅散　心靈盡處界限
無懼夜風冰冷　車從沒有變慢　多荒旦　的今晚

城內到處去逛　這黑夜　沒有終站

沉悶極這一晚　星塵劃破暗淡
華麗夜市燦爛　晶瑩亮透熾熱　的雙眼　驅不散

祈望我倆撲向　這光亮　墮進這晚　臂彎

燈光裡飛馳　失意的孩子　請看一眼這個光輝都市
再奔馳　心裡猜疑　恐怕這個璀璨都市　光輝到此

棉花棒d 棉 整到落隻眼咪仲大件事

佢為左上頭條姐... 佢好似真係一d 常識都無咁

整到野入眼係用洗眼水洗眼lor ..

可能吧!?!?

為左上頭條.....要既