MPF 一問

答1：
首先你只可把早前在其他公司的強積金﹙例如你分別持有宏利及匯豐﹚轉去現公司的強積金公司﹙例如銀聯﹚，你問現在公司負責強積金既同事，他們應該有transfer form比你填，填咗交去現在強積金公司﹙例如銀聯﹚便可，稍後你會收到確認通知書，基金投資比例由你自行填寫。另一方法你可直接打去新的強積金公司﹙例如銀聯﹚問佢攞form填及直接交比佢地。你無需個別通知舊的強積金公司﹙例如宏利及匯豐﹚。

答2：
要知公司有無幫你供，你可從以下途徑得知
1﹚你有無填過新強積金公司之「成員參加表格」，若從未填寫過有兩種情況，第一，公司沒有為你開設強積金戶口，第二公司未辦理妥當你的成員參加手續，如你每月已被扣起強積金錢，有機會公司已為你開立戶口，但由於公司未比form你填，你的錢會放在強積金公司暫存戶口，可能由於沒有投資故沒有賺蝕，直至你比咗form通知佢地你基金投資組合，佢地先會幫你做投資

2﹚你直接問公司負責強積金既同事，有無幫你攪，最簡單睇下你有無被扣起錢及填form

3﹚正常你已被扣起錢及填form，應該收到成員証明書/確認通知書，如你沒有收到你又可問你公司負責強積金既同事或直接打電話去強積金公司問下

4﹚你應該每年收到一至兩次﹙次數間間公司不一，最起碼每年一次﹚由強積金公司發出之月結單，你可睇到供款結餘及投資狀況，有d強積金公司更有網上服務，你可隨時隨地在網上睇到結餘

答3：
原則上，投資表現唔關公司事，公司只按法例為你做供款，個戶口係你，只有才能控制及決定投資組合。基本上，你填第一次成員參加表格時已填寫投資組合，強積金公司會按你指示去投資，直至你通知佢如變更投組合。你可打去強積金公司查詢每月基金表現或在網上查詢或自行做變更。

對公司而言，員工的投資組合profit/loss與公司無關，唔會理你，不過...由於員工強積金的結餘會與長期服務金或遺散費有掛釣，所以員工投資失利，蝕錢，咁扣減方面便會少了，例如公司要比$50,000長期服務金或遺散費你，如你強積金結餘得$20,000，咁公司要額外比多$30,000你，但如你強積金結餘有$60,000，咁公司就無需額外比錢你。
正常公司都會搵間好的公司，現時市場上強積金公司競爭激烈，佢地都會好好咁睇實d基金表現既，因為佢地係靠基金表現去sales客，所以你可放心。

希望解答到你！

假如你之前是經hsbc供mpf的,而現在你的mpf是經manulife供,則你可問你現在公司,現在負責handle 你公司的sales是誰,再聯絡有關sales同他說你想將舊公司的mpf轉到現在的manulife,則他會給你表格你填上資料,他會幫你將你填好的表格交回hsbc要求妁有關mpf結餘轉到現在manulife的戶口中,manulife會幫你另行於你的mpf戶口內開一個戶口,與你現公司供款的戶口分開的.則稍後你會收到hsbc發給你的確認信,是否同意將現有戶口結餘轉走.確認後有關款項會轉到新戶口中.
另你可同現有的mpf agent講幫你申請一個僱員查核mpf資料的電話或網上密碼就可以了

最好係問經紀