點解某些人會時常同人招呼

咁你知唔知呢個女仔, 是否係同班但唔熟的同學佢都係咁打招呼先 ??? 如佢有理無理都無端端同人 say hi, 唔好以為佢係好 nice 的女仔呀, 呢 d 人, 無論男女, 同佢唔熟的話, 你就一定要繼續同佢保持距離, 否則你盞搵野黎搞。但如熟的就另計。
相反, 如呢個女仔剩係對你先咁, 就好明顯, 佢對你有好感囉。就算唔係想同你拍拖, 最少都想同你 fd 一 d, 所以成日見到你都主動同你 say hi。你要知道, 要女仔主動同一個唔多熟的男仔日日 say hi, 唔可以話係一件易事。只係, 你無咩呢方面的經驗, 加上呢個女仔用的示好方法唔係咁好, 所以咪令你多疑左 d 囉。其實, 佢開聲同你打招呼先, 都係想你開金口同佢傾偈之麻, 可能你 get 唔到啦。
而且, 點睇呢個女仔都唔似有咩惡意, 所以, 建議你唔使顧慮咁多, 再同你 say hi, 好心你應番人之餘, 就同佢傾下偈啦。你地仲要同班, 一定唔會驚唔知講乜添。而且, 大家年青人, 要熟落真係話咁易。
但如你一定唔會鐘意呢個女仔, 就最好唔好理佢啦。咪我驚佢真係鐘意你, 點知你有反應之餘原來唔係諗住溝佢, 少女心, 佢一定會仲傷心, 所以, 你要諗清楚。

2007-12-16 19:23:32 補充：
如你都話, 佢剩係對你先咁, 就好肯定佢對你有好感啦, 一定係你唔知邊方面吸引左佢。至於你話有興趣去溝佢, 我覺得, 你不妨諗住同佢做熟落 d 的同學, 及朋友先。咁大家了解左之後, 你先再考慮同佢拍拖都未遲 !!

佢ｌｏｖｅ你囉！有啲人為左親近個個人，就借機會同人講野嫁！

2007-12-15 13:04:46 補充：
等你注意佢

個女仔暗戀你

女仔唔多熟,時常向人say hi...She is a nice girl.