ayp~ 有關沙頭營地及蚺蛇尖問題

如果你問沙頭營地，其實係赤徑村到差唔多到碼頭 (但未到) 的一塊平坦農地地，咁當然唔會有熱水啦！要乾淨食水要行返去赤徑村有街喉，記得帶個水袋去啦。沖涼當然係露天街喉沖凍水啦，放心有街燈的，唔會黑媽媽，後生仔女身體好，捱到無問題的。

洗手間就在未到赤徑村前小河旁，正正在麥徑上，當然係四四正正有分男女既旱廁啦，享用時送上臭氣薰天。野營 Wild Camp 有咁既配套算幾好啦，唔好要求咁多，唔通 AYP 銀章仲想好似銅章小朋友咁要住 YHA ? 出得黎行 (山) ，預左要瞓街啦！
如果你指既係 YHA 赤徑青年旅舍，咁樓上多位老友已經答左你，仲答得好好添，無謂重複。

本人掛靴前都係 DEA (AYP 前身) 銀章，如果自己受訓的話絕對唔會揀 YHA ，舒服但學唔到野，亦不能鍛鍊自己，無意思。冬天露天赤條條沖涼都係咁啦，點會諗過有熱水。 大小二便係要用來回歸大自然的，上廁所點會有天然風味？

蚺蛇尖得個名，碎石當然係多啦，慢慢上慢慢落小心 D 已 OK 。不過如非大會指定我都唔會 FULL KIT 行上去，唔係怕重，而係上去除左風景好靚之外，我都唔知行上去有乜意思。帶勞工手套上碎石山都幾好用，行山杖只係落山時有 D 幫助。

平心而論，如果大會指定要行蚺蛇尖，我會覺得係果 D 教練/考官心理不平衡多于實際需要，免得學員太嘆。
以前我做教練及考官時，都唔會咁樣玩學員，我會揀一日過 Day Field 上蚺蛇尖，當做 training 。俾學員可以試下咁既級數難度既山，又唔會太辛苦。上去可以練習 map reading ，細心研究附近細小的河谷、溪流與地圖所示的分別；練下 forward / backward bearing 都係好地方。

營地na...多數都有洗手間同水源ga la~
但係熱水...你唔好預la~多數都無ga~

蚺蛇尖na...我考金章的時候都行過，都ok na~都可以ge~用手套會好好多ga~
因為我上次行隻手係損晒lo~

考ayp你要加油o~