✔ 最佳答案
你睇完樓上o既參考資料,係時候睇下真正答你問題o既答案啦。
圖片參考:
http://hk.yimg.com/i/icon/16/10.gif
1.換水每星期最少一次,每次三份一至一半,太多會令水質變化太大。換水時主要係吸走缸底o既屎,所以應該買一支手動o既泵,就可以伸入缸中重點吸底。換入o既水最好係除氯後o既水,因為氯氣殺菌,對缸中o既硝化細菌有損;可以用水族店o既藥品,亦可以換水前一日放好要用o既水入個桶度隔夜,唔夠時間可以用氣泵打氣加速氯氣消散。
特別要注意,冬天水溫低,換入缸前應調校溫度,令溫差唔好太大。
2.水如果係有顏色(如沉木脫色)或有味,可以加活性碳,放入濾水器之中就得;但重點係搵出問題所在。水有異味一定係水質出問題,建議你最少要換水,仲要睇睇有冇死魚。
清潔環?乜野新產品?如果你係指白色一個個白色陶環,咁應該叫做生物環,由於表面好多小孔,俾到好多面積硝化細菌附著,菌愈多,處理水中有毒廢料o既能力愈強,所以現時o既生物過濾都以生物環為重點濾材。如果濾水器有空位,可以放多d。
3.17cmX17cm 算相當細,養o既魚就真係唔多合適。
雞泡其實生活於鹹淡水交界,玩家叫呢d做汽水魚,養佢要o係水中加d鹽;而雞泡又有咬魚尾o既惡習,唔多適合混養;
琵琶唔知你買乜野品種,但有好多都可以好大條;如果你買o既係小鬍子,都可以有 8cm 左近;
虎鯊好有型,但你買到o既只係魚bb,佢地可以好大條,仲會食魚!
因此你都係及早籌謀為上,諗真d自己想養大魚細魚定汽水魚,再搵人要左其他魚啦。