港股會唔會再向下跌至25000點機會大唔大

我覺得今次會跌得好深起碼2萬2至2萬4，到時直通車會落嚟升到奧運，呢次跌只不過撥亂反正，你想吓短短2個月升1萬點合唔合理？完全唔理外圍發生乜事，其實就係外資次按問題好傷，中國好景就嚟揾錢填氹，D所謂股神推波助瀾揾着數，外資就配合佢既言論推高等D散户接貨，你睇吓佢低位入市高調叫人入市，然後個市升得好急，跟住又跌得急，司能佢無心，只不過要威，但外資揾錢咪順水推舟囉，08年個市仲波動，現在長揸短炒都易出事，咪以為呀爺一定幫忙，你睇吓內地通漲急升小市民活在水深火熱，呀爺一定要降温，佢唔會只顧有錢炒股炒樓的人而不理佔全中國70%的窮人，連最基本食物都負擔唔起，個社會會點？領導人一定顧全大局。外圍經濟放緩係事實，只係快同慢，中國亦難免會跟隨，環環雙扣全世界走唔到。

2007-12-15 15:58:28 補充：
你睇吓依家27500點，但只係重磅股升，好多股票跟唔到個市，由其中資股，個市升佢升小小，個市跌佢就跌金，咪係呢個時間溝貨，越溝越死。睇定先啦。

中國人壽係一隻好股，我都得緊位入，不過千祁唔好忽略次按帶來的問題，一個經濟體系領導者的國家----美國，它的經濟現正衰落，無疑中國政府定必會為奧運而使經濟平穩，但你要記住，中國係龍頭，我地係龍身，又咩事都係由香港做擋箭牌，點解港股正通車遲遲未開，....我會係度諗....我地呢半年，股市上升得那麼誇張.......真係全世界都係度抄股.......大學生用貸款來買股票，師奶門用幾十萬去買一隻股，難聽d講句，連從來唔接觸股票的人都入市，你話會唔會過於熱呢?中國點會比中國人來港買貴價股呀?大陸個d人一買幾百萬....瘋癲程度你我都估唔倒.....到時香港股市一跌.........中國開通直通車........等大陸人入股救市，係咪好好聽呀!不過經濟當然會一步一步上升，只係你等唔待錢用，你入了幾多手呢?如果1,2手當然無所謂，如果入了你身家既一半，你就諗下會唔會找個止蝕位放一d...又或者趁而家低位溝一溝，攞個平均價.......然後慢慢等佢回升!祝你好運!

1.本人認為縱使市場現況不明,外圍亦有隱憂,雖然現正處於調整期,但整體前景仍不錯,香港背靠祖國,近有奧運,遠有09年世博,大陸政府於此兩個世界盛事,必定力撐經濟及政治平穩過渡,更何況香港政府亦希望港股直通車盡早開出,而早前任總上京時,亦有提出開出直通車之建議書給予中央,因為香港前景於不久必定明朗,但若要下年度好像早一兩年前升勢如此瘋癲,應該是不可能,但會平穩上升,而波幅亦無今年那麼急。
2.而國壽,要視乎你是否急於用錢,若不是,可於現價至37.4左右分段吸納,本人認為此股於未來1-2年可有70%至130%增長。

睇下你想點...
如果你係長揸, 唔駛理佢, 你都可以入d 溝d..
如果你係短炒, 你要set 止蝕la..

不過我覺得, 股票長期一定升, 你唔駛afraid