點樣先知道自己老公有冇包二奶

你地經濟好差咩？佢要返多份工？
你有幾個仔女要養咩？
你冇做嘢架？
做咩工要晚晚唔返屋企先？搵藉口唔返呀？
我覺你嘅婚姻有危險
女人直覺係好犀利嘅
你嘅懷疑係正確嘅
要知佢有冇包二奶係有跡可尋
1. 成日唔返屋企瞓,返親屋企就話攰
2.你想同佢親熱就話好眼瞓
3.同佢講多句嘢都唔耐煩
4.如果佢手機響會鬼鬼祟祟搵地方聽電話或者搵手蔗住個咀嚟講
5.問佢係出面點佢會依依哦哦唔係咁正面答你
6.對你無咁熱情同埋好冷淡
7.以前對你做嘅嘢依家唔做
8.就算做多份工都話唔夠洗
9.突然貪靚
10.經常講大話或者前言不後語
11.愛上咗泵骨
12.愛上咗唱k
以上種種跡象都有可能佢已經包咗二奶
想試佢....
1.問佢係邊度返工(睇佢講唔講)
2.去接佢放工(睇佢肯唔肯)
3.打電話俾佢問佢幾時返嚟話你煲定湯等佢返屋企飲(睇佢返唔返)
4.如果佢有返嚟瞓就襯佢瞓咗摷吓佢啲嘢(例如銀包、衫褲袋等)
5.如果你問佢仲愛唔愛你佢反應一般(佢可能會話你多餘、痴線、扮若無其事)
6.問佢攞銀行簿睇(如果佢話唔知擺咗喺邊咁即係身有屎)
7.你對佢好佢好似唔係咁想你對佢好咁嘅款(因為佢知自己做咗咩事)
8.你話自己唔係咁舒服(睇佢有無關心你例如摸吓你有冇發燒或者邊度唔妥)
以上發表嘅嘢係要睇埋你自己本身對個老公好唔好
老公出去包二奶係好多因素嘅
你要先檢討自己有冇對老公唔好有冇唔關心佢唔理佢
有冇盡咗做老婆嘅責任
有冇曾經喺自己朋友面前落佢面
有冇經常對老公呼呼喝喝
係咪經常掛住打麻雀唔理佢
你係咪好大洗鍾意買名牌等等.........
如果老公真係包咗二奶,我會扔咗佢
因為俾第2個女人掂過佢我會好噁心
我係抗拒同人地分享自己個老公嘅人
你呢？你係咪唔鍾意人地分享你老公定係唔介意呢？

-我覺得最重要係有冇對你差左 (春風得2既話反而我覺得未必,因為我覺得包二奶只會係對2奶春風得2 ,唔係對住你 ,反而對你會唔耐煩咁)
自己諗下你地既財政方面有冇唔夠錢用咁(因為佢話要搵多d錢)

另外一個覺得自己公老包2奶既人 , 多數會有以下行動
1.搵偵探(最有用,錢係另一個問題)
2.打多d電話問佢
3.問佢重中唔中2你(本人覺得ok , 令佢覺得你懷疑緊佢)
4.問下社工意見(推薦)
*5.直接問你老公 - 解決問題既正確方法 (如果偷偷摸摸咁查 , 到不如問 ,佢呃唔呃你到好,結果最後都係一樣 ,其實唔好因為怕而逃避)

希望你老婆冇包2奶 :]

用下你個nose聞下有冇香水味..
用你隻手翻下佢d袋有冇咩女人送既野...
用你隻眼睇下有冇d不知名SMS...
用你心感受下你老公係咪成日都好''春風得意''
仲有d信用咭...睇下有冇用多左錢...
每晚數下你老公d現金有冇少左...
你問佢囉錢睇下佢係咪ee哦哦多左...話呢排開支大左..
仲有..你可以玩跟蹤...
有齊又或者有9成既話...
唔洗問阿貴都知你老公去滾...