可以給我意見嗎

你老公虧空了公款, 公司報咗警, 而他遠走外國. 他巳經被通輯. 他回來入境時會被拘捕. 根據經驗, 他虧空公司公款, 涉及違反誠信, 而根據上訴庭在 HKSAR v. Wong Kay Din (CAAR 7/1998) 一案中的判刑指引, 虧空公款$3,000,000 至 $9,000,000的判刑起點是5至9年. 即係法庭會以5年(60個月)為判刑起點. 既然他巳決定承擔法律責任, 上庭時會選擇認罪, 所以可得到3份1減刑,即係判坐40個月監. 如在獄中行為良好, 更可得到額外 3份1減刑,即係實際坐26個月多d.
至於他坐完監要否還錢給公司, 就要睇:
1. 法庭會否下令佢還錢給公司. 如果法庭下令佢還錢給公司而佢還唔到, 就會以監代債. 但通常如果法庭知佢虧空了公款去還賭債, d錢無哂, 就唔會夾硬下令佢還錢給公司, 否則會對佢唔公平.
2. 公司會唔會循民事訴訟追討佢果300多萬. 公司有權咁做. 如果佢還唔到, 會被判破產. 但唔使額外坐監. 坐完監, 破完產(如適用)後就成件事完結.
他欠的債不會要你幫他還的. 你亦不需要在法律上和他解除關係.
呢個時候佢最需要你支持. 2年多d好快過啫!