請問：
１）文義問題：我用自己嘅母語，喺電腦度打出我平時講野嘅說話出黎，咁樣算做「以手『寫』我口」，定係「以手『打』我口」呢？
２）標點符號用法：如果係「以手打我口」先啱嘅話，咁我使唔使用開閂引號框住個「打」字呀？如果係「以手寫我口」先啱嘅話，咁我用開閂引號框住個「寫」字，係咪會「正確」啲呀？
＊＊＊＊
註１：呢個係一個中文問題。請以「正確」嘅「中文」知識回答，唔該。
註２：效法網友「智庫丫發」o既做法（http://hk.knowledge.yahoo.com/my/profile_question_over?show=HA00308741&cp=10&tp=23&），將分題分成唔同o既系列。現有o既系列如下：智在必得系列、炒冷飯系列、Recycle系列及明槍求擋系列。
註３：「智在必得」係無線電線其中一個問答遊戲節目，裏面問o既問題古靈精怪、千奇百怪，識得答得晒果Ｄ人一定係「生神仙」。
更新1:
註４： 成日聽到Ｄ人好「感性」咁問：「『公道自在人心』？公道在哪？『清者自清』？濁者清濁不分……」又成日聽到Ｄ人好「悲憤」咁怨：「世道昏昧，眾人本末倒置，不分是非，甚至對任何正氣凜然的言辭也連感知的能力也沒有。」仲有人自以為好「理直氣壯」咁鬧：「某地方因為有人執法不公、不明，讓垃圾、謠言、作弊、謾罵、不義行為充斥著，讓有識之士黯然，讓衛道之士嘆息。」成日都聽到Ｄ咁o既言論，搞到我真係唔係好知呢個到底係乜野世界。
更新2:
又有人話：「真理越辯越明。」、「民主就係要由所有人一人一票咁去投票來作決定。」為左唔好再俾人地話我係「一舊俾人洗左腦而又目光扭曲o既行屍走肉」，如果有多過一個答案出現，我係唔會自己去揀最佳答案o既，而係同廣大o既民眾一齊去投票。如果只係得一個答案，我先至會選佢做最佳答案o既。如果沒有人回答，我會繼續用炒冷飯系列來重問。（註４完）