屯門叠茵庭有無村巴去到灣仔/銅鑼灣 放工後又有無車由灣仔番叠茵庭

朝早有兩班車, 係地面消防局對面上車(近日有交通警, 所以D村巴縮咗去西鐵站天橋口上客) 第一班開7:25第二班開7:50, 灣仔/CWB都有得落. 行HENNESSY ROAD修頓啦,駱克道街市,鵝頸橋… 單次$20, 可買prepay搭車CARD $360, 有20次搭. 叠茵庭到灣仔大約50分鐘車程.

放工駱克道有大把村巴返屯門, 架架停市中心.. 不過返叠茵庭呢..就係得駱克道街市(駱克道)一個站上客, 收單程$17 由17:50-18:50 都有車. 因為叠茵庭係尾站, 所以搭成粒鐘架!!.. 再夜D夜到10點.. 修頓家計會都有村巴返屯門, 不過要市中心落轉綠VAN啦.

仲有! 如果夜晚8/9點後 係CWB返叠茵庭, 仲有其他CHOICE架 – 紅VAN $25 (通宵) 大約一個鐘車程. 上車銅鑼灣廣場二期舊NEW YORK戲院對面Seven Eleven門口上車, 行下路, 可以去深井食埋糖水, 再去埋黃金海岸拍吓拖先返叠茵庭都得!! 幾好呀!! ^o^

TIPS: 千其唔好係放工peak hour 銅鑼灣/灣仔 搭960 返屯門呀.. 淨係灣仔->西隧口都半個鐘有多架..死未! 如果唔想搭村巴/VAN呢. 可以去香港站搭MTR->南昌站轉搭西鐵..直接返到叠茵庭啦! 大約55MINS車程啦 (計埋等車, 步行時間)