停留埃及還是杜拜好?

嘩！杜拜囉咩同埃及比﹖！前者五十年前還只是荒蕪沙漠中的一條名不見經傳的小村，近三十年才發展成一個商業大城，你估吓咁既地方除左高樓大廈仲有咩睇﹖而埃及是有超過六千年歷史的四大文明古國，匪夷所思的驚人古蹟遍佈全國，如果樓主去旅行以睇景為主，實無任何可能唔去埃及。唔係呃樓主，如果樓主想睇景感動到喊，就算以全世界既標準黎講都要去埃及。小弟舊年去過，但呢次旅程既一點一滴到依家我仍然瀝瀝在目，我真係好想樓主可以同我一樣可以有一個一生難忘既旅程。
另外，有樣野我真係搲爆頭都唔明，埃及理倫上應該係人都聽過，起碼都聽過金字塔掛﹖所以應該知道埃及有啲不凡既野睇，但係唔知點解有極多既人以為去埃及同去星馬泰一樣只係吃喝玩樂，對嗰度既神奇古蹟及輝煌歷史完全無知。小弟既團友就係用去星馬泰既心情去埃及，態度超然物外，咩都唔睇都唔緊要。佢地連金字塔都覺得不外如是，所以其他古蹟都自然睇唔上眼，於是我地最終因不夠人而沒有去阿布辛貝神殿，成為小弟最大的遺憾。
我衷心地建議樓主，如果樓主真係唔想有遺憾，應該用至少一個月時間睇熟同埃及有關既書和影視媒體，令你對嗰度有咩值得參觀有最基本既認識，咁樣樓主起碼知道要大概睇啲咩，之後就唔會有遺漏。