d倉鼠大概幾大就應該分開養?

樓上網友講既野有d唔同意,希望兩位唔好介意:
1)鼠鼠壽命大多得2-3年,並唔會係4歲先開始有心智既發展,所以唔會係4歲要分籠既
2)鼠鼠並唔係兩個月就可以生bb,最早有繁殖能力既小露寶,十多日大已經有生殖能力,而最遲有繁殖能力既熊仔鼠,35-45日大都已經有生殖能力

A.鼠鼠大約21日大就戒奶,戒奶之後就要分籠,原因如下:

1)因為鼠媽對BB既照顧只去到戒奶期,到鼠bb可以戒奶,鼠媽媽就唔再對鼠鼠有感情了,只會普通一隻成鼠咁看待
而鼠爸爸,更加係完全地對鼠bb冇感情的

所以一大一小既鼠住埋一齊,係好易會打死鼠bb or發生亂倫既情況,亂倫既鼠好易會有畸胎既出現,畸胎既資料可參考以下我回答既知識C點:
http://hk.knowledge.yahoo.com/question/?qid=7007080306013

2)倉鼠係獨居動物,在自然界鼠鼠只係發情時先一齊住,所以最好將鼠爸同鼠媽分開住,唔係易打交OR繁殖,鼠鼠繁殖既速度十分之快,如非做生意等必要,希望你可以唔好再繁殖佢地吧

而鼠媽媽生育都會令身體變差,令壽命減少,生得多次數就愈對鼠媽媽唔好
加上繁殖咁多鼠鼠出唻,係咪真係可以俾到好好既生活佢呢?都見到不少人太多鼠要搵地方收留,就算自己養得晒,都會好煩惱呢
我試過買左隻大肚鼠返唻,最後生左4隻,有2隻俾左同事,之後3隻鼠3個籠,打理上唻都不易,而且俾到既時候同質素,絕對地冇養一隻咁多

B.其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

C.唔知你而家既鼠幾多日大呢?附上鼠鼠既成長大約既階段你參考一下,唔知你既鼠幾大,照顧上有冇問題,如果有既話,歡迎補充

鼠bb成長階段:
1) 出世: 未開眼,有d牙仔,冇毛,有細爪
2)第七日: 開始出毛
3)第十日: d毛開始生長到都幾多
4)第十二日: 鼠媽媽開始唔會幫鼠b清理排泄物,鼠b會自己爬出去搵野食,要注意俾放既糧食既野唔可以太大舊,整細粒d d糧,如果近粉抹既食物就要加少少水.
5)第十五日: 開眼
6)第十六日: 出齊毛啦
7)第十八至廿一日: 戒奶,要將bb同媽媽分開

如果係寵物店買ge鼠就應該係1-2個月大，唔會點打。

但如果你ge鼠生左BB就1個月之後就要同佢呀媽分開。因為鼠鼠2個月就可以生仔嫁啦!!

另外，如果你ge鼠生左BB，我就想你唔好俾佢生第二胎。因為鼠鼠生一次就縮短條命一次，專家好似講過生一次最多減半年命嫁!!

p.s俾鼠鼠生BB有好多問題(下面有少少):

1)鼠媽生左之後鼠B即死，你又唔可以打擾佢，唔係連另外一D鼠B都有危險。
2)鼠媽生唔到，佢自已(鼠媽)都會死。