新手! 問Canon 400D配什麼鏡?

在有限預算下, EF-S 18-55mm f/3.5-5.6 IS絶對是最好選擇,冇錯支鏡除咗多個防震之外基本上就係同kit lens一樣.但係多700蚊就買到防震真係低到爛.淨係防震已經係一個最大好處,可以在好多低光環境例如室內,甚至夜景用手持方式拍攝.Canon如果唔係俾機身防震迫到透唔過氣一定唔會出呢支鏡,就算出都唔係呢個價錢.你睇下啲長鏡防震分分鏡多二三千蚊就知.
至於貴好多既EF-S 17-85mm f/4-5.6 IS USM在出咗呢支鏡後就唔係咁值,最大好處都只係焦距長咗小小,但呢小小我覺得唔值咁多錢.俾得呢個錢我會咬緊牙關儲多小小買EF-S 17-55mm f2.8 IS USM.
同意USM在長焦鏡既作用大啲,一般廣角至中距好小需要極快的對焦速度.

2007-12-15 13:01:31 補充：
防震有冇用除咗長焦距外,另一個用途就係低光,要唔要防震好視乎快門有幾快.日光日白當然好容易去到安全快門,室內,夜景就算短焦距都要用防震的. Canon同其他廠商唔會無故出支咁既鏡的.Canon iso 800真係算唔錯的,但f2.8就唔係咁建議.冇錯當你iso 800, f2.8, 1/30秒勉強影到,但一定唔夠iso 400, f5.6, 1/4秒影出來咁靚.就算你用Canon鏡皇16-35 f2.8都一樣.

2007-12-15 13:02:07 補充：
剩翻落來就係睇你攝影習慣,你問得防震鏡我假設你唔鐘意帶腳架,大光圈冇錯可以涷結動作,但係要涷結動作多數係影一啲大特寫,廣角其實需要好小的,如果你話廣角鏡唔需要防震,咁大光圈其實更加冇需要,百分之九十既人買大光圈其實都係為咗防震.

2007-12-15 13:02:32 補充：
其實我自己都係用緊Tamron A16,但係我係用有防震既機身,我覺得呢支鏡要配防震機身或者腳架先好用.而且佢唔平的,可以買到兩支EF-S 18-55mm f/3.5-5.6 IS,做散景係咪真係咁好呢?我可以話就算用盡50mm,f2.8都只係一般,唔夠散.你用幾百蚊買支50mm, f1.8會實際啲.同埋用大光圈防手震會有景深過淺的問題,經常都見到有人在室內近攝物件用大光圈防震,換來就係景深太淺,只得一小部份清晰.這時你就會想起防震的好處

2007-12-16 08:39:19 補充：
一支千幾蚊,一支六千幾,如果話冇分別都係騙你.但係EF-S 17-55mm f2.8 IS USM有冇好EF-S 18-55mm f/3.5-5.6 IS咁多倍,就好有保留.無論光學質素及做工都一定係前者比較好.但係你話一齊影兩張相出來未必一眼就睇得出邊幅好.不過EF-S 17-55mm f2.8 IS USM最大賣點就係乜都齊,暫時你好難搵到支鏡規格好過佢,買咗唔駛再心思思升級,佢有恆定f2.8光圈,55mm焦距時有較多本錢加快快門,因為越長焦距,安全快門要求越高,f5.6有時真係會唔夠.器材係永遠冇满足的,你要清楚自己的底線,否則Canon隨時又會出招要你俾錢.

2007-12-17 18:55:56 補充：
恭喜你,sales好多其實都係一知半解.同埋只會向錢看,一味叫你買貴嘢,最緊要自己分析係咪啱.

我都係用緊CANON 400D, 最近買了支 EF-S 17-55mm f2.8 IS USM,六千幾都好貴不過影出嚟的相可以話kit鏡完全冇得比,2.8大光圈在室內加上三級防手震發揮得非常好,支鏡絕對不馬虎,可作參考.

2007-12-15 23:49:29 補充：
canon 鏡頭如果防震要貴好多,一樣有他的市場當然有他的成功,不是一般副廠鏡可相比,當你在暗的環境不用閃光燈防震一定有用,如買得f2.8大光圈鏡頭當然不想用閃光燈影啦.

2007-12-16 21:56:48 補充：
如果你要影室內環境和生活照 f/2.8 光圈和防震係絕對需要的,我之前用kit鏡在室內沒用閃光燈影,係冇可能影到一幅好的相片,用了閃光燈主體背部黑暗一片,其實 400D 係 初級的DSLR機如果配上L鏡可能誇張一些(除非很快升級)我建議買就買個好D,不用再擔心升級,EF-S 17-55mm f/2.8 IS USM 係最好的選擇,上年出係賣九千幾,至於USM慢慢用你會知道它的好處

17-85 我都用緊,如果要我選擇不如要EF-S 18-55mm f/3.5-5.6 IS ,因為一來比較平,二來17-85 我覺得呢個價錢.....係貴在個IS ,出支18-55IS 再加支 Canon EF-S 55-250mm f/4-5.6 IS建議零售價：$1,780 ,再加支50 1.8 600元左右 ,便好足夠用LA