我呀媽.......

其實個個父母都係咁架啦, 佢冇好像前日個未婚媽媽咁, 岩岩出世就掟
左個仔落街, 都算對得你住啦. 而且仲要俾你白食白住十幾年喎, 條數
都幾難計得清楚. 你諗下啦, 原本每個月出糧, 自己兩個駛, 都不知幾他
條, 而家唔係喎, 一出糧就要幫你地交學費,車費, 零用, 總之就肯定冇左
一大半, 為的只係諗著長線投資, 希望你地第日學有所成, 賺錢養番佢地.
成日偏心你呀哥, 可能就係因為佢成績好, 有希望第日搵到高薪厚職, 報
答番佢地.
至於你可能成績唔好, 成日掛住玩, 叫你讀多d書又唔聽, 講到聲沙都冇用,
都諗住算數, 當投資失敗, 所以退而求其次, 叫你做下家務,唔駛自己咁疲
倦, 結果又俾你推三推四, 所以就火滾罵人囉, 如果你係佢,你都可能會係
咁. 你睇果本小說, 係咪三國演義呀, 哩本都算係好書, 唔錯,唔錯...
不過, 就只係幫到歷史果科, 其他科目就唔掂. 你呀媽要睇到的, 只是你張
成績表科科A, 只要有A, 佢就話之你幾時打機都唔會理. 現實就是這樣, 你
大個d , 出去做工果時, d 老闆仲更加現實百倍, 而且唔會好像你呀媽咁,
俾你白逗人工, 又唔駛你做野.

2007-12-13 15:34:01 補充：
係呀哩. 一面打緊三國志 game, 一面拿起部三國演義, 過關果時都投入d, 所以我都有d 後悔當時揀左讀理科, 諗住唔駛狂背書, 而唔揀讀歷史, 如果係咁, 我諗起碼都有一科A 啦.既然你都對歷史有興趣, 就唔好晒左佢, 一於由歷史科入手,囉左90+ 分先, 等d 信心都番左埋黎, 咁樣即係起碼有個荊州在手先啦, 遲d 再睇下會唔會遇到個高人, 幫你打天下.

2007-12-13 21:50:46 補充：
打機果時真係幾正, 不過講真, 打得叻都其實只有自己知. 返回現實, 先知道已經被其他同學拋離好遠, 所以就要趁早急起直追. 如果你真係想令呀媽對你改觀, 就唔好特登做俾人睇, 反而應該柄埋一二邊, 刻苦修煉, 間中比佢罵一兩次都再所難免, 現在唯有忍一忍, 敵強我弱呀, 只要時機一到, 就可以出關,到時候就突然拿張靚仔既成績表出黎, 咪show quali 囉. 我都想睇下, 到時佢驚訝果個樣係點, 你想嗎? 比d 心機吧.

小朋友,我年紀比你大好幾倍,所以唔好介意咁叫你。
我不單是人生經驗比你多,而且性格上也有許多相似,我自小就頑皮透頂,所以神憎鬼厭,自己唔知為乜,總係覺得個個都對我唔好,故此便決定離開屋企。我就在十四歲那一年,離家在外闖。
這麼年來,因為學歷低,人緣也不好,工作入息少,而且時常冇工做,生活也有問題,捱麵包皮,瞓公園,是經常事。這時候才想到在家的重要。
幸好得到朋友的鼓勵,半工半讀,算得上不至於肓字都唔識。
你今天情況,幸好尚未離開屋企,甚麼不開心事,都只是自己不會願諒人,凡事睇開的,因為上一代人受教育不同,人生觀自然不同,佢地覺得啱嘅,自然有佢地嘅理由,自己在他們眼中只是小孩,你真正要他們覺得自己長大成熟,唯一辦法順著他,自己在學業上做些成績出來,一為目前,亦為將來。
我衷心希望你切勿衝動行事,家人不是仇人,忍讓下,以後日子就好過。

你的妈好烦，没办法，因为她是人，人又是什麽，一种直立行走身上无毛的动物。谁让她生下你 ，不咬你算好了。

套用一句人人都識講的話“可憐天下父母心”。你今時今日十四歲有阿媽在身邊無微不至的照顧，係一件好幸福的事，唔好身在福中不知福。當你覺得你阿媽唔好的時候，你自己細心諗下，假如你無媽媽在身邊你會點，多點留意媽媽為你所做的一切，難道你想成為無人理的小孩？
找個機會，平心靜氣同你阿媽傾下，提出你的不滿，記住係講出你的心裡話。

你用粗口話你亞媽, 絕對係你吾岩先啦.
亞媽生你出黎咁辛苦, BB仔猫仔咁大個養左你14年呀, 你估好容易呀.
你到時做人父毋個時你先知.
養你教你, 供書教學, 比錢你使, 仲要成日擔心你變壞,
你吾去孝順佢, 仲用呢種態度對佢, 你真係好幼稚呀..
要記住, 天下沒有父毋不愛自己子女,
佢話你係想你好, 你吾好咁小氣啦.

我ar 媽有時都係咁ga!我試過好多個方法，終於我發現我越係賭氣，佢就越鬧得我多。所以我就決定乖俾佢睇，有時我諗，點解要so乖，但係為左話俾我ar 媽聽係佢整係識得睇我D衰野，連自己有個so good 既細路都唔知，就唯有忍落去，返學就find 人訴苦，終於呢條辩法work la，咦加佢成日讚我，讚賞多左，我自己做野都醒D tim!其實唔雖要太乖ga，總之做哂自己要做既野，再做埋mum 叫你做既野，跟住做D野令佢覺得你叻過你ar 哥就OK ga la！有時仲可以pak 下馬屁tim!!!!!!!!!!!

朋友仔,你不要絕望,每個呀媽一定係好長氣,好鬼煩,因為我自己都係人地呀媽!自己都覺得好煩,成日嘈喧巴閉,但是我都好多時發覺,如果唔話你地,你地就好似唔識做野,我認為你可不可以先行你媽媽一步,即是當媽媽未開始話你之前,(其實你一定知有些事情你不做佢一定會罵你的!)所以在未開始你就做左去,那媽媽就不會嘈,你試試看

14歲真係細路…你覺得自己好大？我19我阿媽都當我係細路啦！！！！
其實我覺得你阿媽係一個正常既阿媽，試問有幾多個受高等教育既媽媽會用愛的方式來錫你？唔打你未算好囉！你呢一刻憎佢，但係事實上你同你阿媽未做緊同一樣野…你話你阿媽成日淨係睇到你既缺點，你又何嘗唔係淨係見到佢既缺點呢？係你成條問題裡面，你從來都無講過你阿媽有乜好…但係你又覺得你阿媽話你果Ｄ唔岩，試諗下你阿媽係唔係咩優點都無？
以一個平常心來睇，其實佢已經好好，願意去關心你，去話你，唔通你想佢理都唔理你咩？可以既話，搵個機會同佢傾下，同佢講下你既感受，但係同一時間你都要諗下你阿媽既感受…如果你做好Ｄ，咁佢就無聲出啦！仲要睇到你阿媽既優點，天下間無唔愛自己仔女既阿媽，再諗下，佢真係咁差咩？你使既用既，乜都係你阿媽架！！好彩你都有自知之名，唔係真係走左…至於你阿哥果度，我覺得佢大過你，使費大過你係必須架窩，「本是同根生」，何必咁計較？細路，比心機啦！

咁你咪當你呀媽痴線架囉!送埋佢送青山都得架啦!

你阿媽真係好衰, 簡直係無知婦孺, 完全唔識教仔。
在這種環境長大,你要自求多福。
即係自己照顧自己, 為自己將來想, 因為佢都唔識教你。
憎你阿媽係無用的, 對你都無好處, 你要在這個環境下都可以有前途, 唔容易架, 你好自為之了。