請問有什麼方法煎野唔會痴底?

如何防止鑊黐底

如係西式平底鑊就最好揀有夾層厚底鬼咁重嗰隻，要冷鑊落油，再以小火燒到見到鑊中的油出現一些煙，才將食材落鑊，再視乎食材調較火力。呢種鑊通常幾百蚊一隻，唔一定要買大牌子貴到嘔的，之前有網民回應說在幾年前在某大超市用$108換了一個煲，約四五吋深有玻璃蓋，可當煎pan用，又可炒菜，回應說幾好用，這種鑊因受熱平均及保持温度能力高，如炒少少菜一個人食，有時菜落鑊炒兩炒便可熄火炒到熟。

如果係中式不銹鋼鑊，就小火燒熱隻鑊至落油才炒，如係煎魚則將油搖勻在鑊面後將油倒出，重新落油，揸住條魚將魚尾，在鑊中心油較深地方來回掃幾下，等魚尾可不掂鑊先煎熟再將魚落鑊，千祈咪咁快鏟條魚住，一路煎到搖吓个鑊條魚都郁冇黐住才反(最少五六分鐘，視乎火力，不過煎魚一定不能大火)，不過要够油至得，如果一味講健康落半匙油就冇得搞。

燒紅隻wok.之後落油.
較中火.放小小塩先放魚落去煎.
就唔會痴底la.
個人經驗.

6個人只得1個答對,b-boyyeung是答對的.
其他不要學

sorry睇唔過眼d人亂答...
我做cook既...要唔痴底就要等隻wok夠熱, 隻wok紅左先落油, 油熱先落料...
你試下煎魚成日反...條魚一定散

當你煎野的時候，有需要反轉面時，先關火，待几分鐘後，食物冷卻後再反轉食物，這樣就唔會粘底。

開始時要多放些油，然後在煎時多「反」它，

當食物與鑊的接觸時間愈少，就愈少機會痴底。

這適合一般的煮食知識。