想問烏龜點分死左定冬眠??

很容易分，冬眠只是睡著了，受到外物騷擾仍然會有反應，死了當然就不會有反應。

近年香港的冬天並不寒冷，我養的巴西龜至今還未冬眠．．．

2007-12-14 10:15:31 補充：
講真，聽你咁描述，希望唔大。你可以用暖水浸一浸佢，如果真係冬眠就一定會有反應。好多人以為龜仔冬眠會完全冇反應，咁諗其實係錯既，龜仔只係唔會主動咁郁，你搞佢，佢仲係會有反應既。特別係近年香港，根本唔係太凍，咪話你搞佢，龜仔本身就冇理由完全唔郁。我隻巴西龜六月買，仲好細，到依家仲食得走得。之前氣溫下降，佢只係食少左同郁少左，有時仲見佢游水。呢幾日氣溫升番，佢已經完全回復正常。當然，因為我有養龜經驗，又唔打算用太陽燈、暖管之類，所以冬天之前我已經俾左好多野佢食，食到佢肥肥白白。

2007-12-14 10:16:14 補充：
另外，你話「因為佢stay o係陸地位, 成身都好乾」，呢個都係一個問題，冬眠只係唔食野，佢仲係需要水份。係大自然，澤龜（巴西龜係澤龜）會揀係濕潤既泥土入面冬眠，所以身體既水份唔會被慢慢蒸發走。所以，我地養龜既時候，冬天要好好注意龜仔既水份，因為如果你隻龜太弱，爬唔番落水，可能會因為缺水而死。

節哀順變．我養了近三十年的巴西龜都於去年去了．可以來我ＢＬＯＧ看看它的生前照．

佢冇死到,而是冬眠了.

如果死了,它的身體會硬了的..

能夠help到你就最好啦,help唔到就用做參考吧!!!

佢唔係冬眠!!
龜龜冬眠唔係咁的 ~龜龜冬眠通常都會有反應的!!
你咁既形容 ,應該係死左!!
你可以試下佢既反應 ,如彈下佢隻腳 ,如果佢識縮 ,咁即係冬眠緊 ,如果佢冇反應 ,即係死左
冬眠佢龜龜既難關 ,好多迷你龜都好難過到呢關 ,如果你冇暖箱既話就更難講
看你既形容 ,佢應該係死左幾日了,隻眼半合 ,代表死唔眼閉 ,你第時最好唔好再買太細既龜會好d ~

首先希望你好好查清楚, 先好處置龜龜, 因為我試過有朋友以為佢死左, 掉佢落廁所才發現原來未死, 捉都捉唔番, 真係好慘!
你隻龜係細龜還是大龜?? 如果是細龜或是新買的話, 會好易一訓不醒, 因未儲夠食物, 不夠冬眠時用, 所以千萬不要比佢地冬眠, 通常天氣開始凍, 佢地會唔食野, 成日訓, 個身硬哂, 跟住就一訓不醒, 一定要比太陽燈, 暖管之類等, 保持27-28 度左右, 而水溫要30度左右, 否則佢一定不會食野, 之後就傷風, 繼而等死!
你試下比暖水浸佢一日, 比太陽燈照下, 盡量比溫暖佢,睇下有無反應, 一係好似我, 帶佢去大圍的珍禽異獸醫院打針, 可能奄奄一息都重有得救呢, 不要放棄呀, 龜龜好可憐呀!

2007-12-14 13:26:38 補充：
唉! 我贊成上面那位人士的說法, 睇你的描述, 皮膚乾哂! 連水都唔比佢, 一定乾死啦!唔該你真係比多些心機去了解佢地的特性, 否則下次都係那樣收場, 雖然我知你聽了不高興, 但我是真心想你同龜龜好呀!

你可以搖下佢，如果冬眠佢個頭同腳會縮入龜殼入面，但如果係死咗頭同腳會軟晒 fing fing下。

希望你的龜龜係冬眠啦！

Bring him to visit doctor.......