好驚,今日第一次行山...係西貢過左青年旅舍,近西灣/赤徑.．．棺材．．．

🤾🏻‍♂️ 體育台其他 - 戶外活動

[匿名]

2007-12-13 5:23 am

好驚,今日第一次行山...係西貢過左青年旅舍,近西灣/赤徑.
唔好意思,因為我第一次行山,所以location 可能有d 偏差...
其實我想講我係沿途見到d 屋仔,好似係d 好舊既棄屋..我見屋入面有棺木...我想問...個d 地方係唔係有都係正常ga?? 有無朋友知道個度～～？？好驚呀我～～
thank 各位解答 !

更新1:

朋友．．我有點不安呀．．棺材入面係ｍｅｉ有．．．．

回答 (5)

Jossie

2007-12-15 8:17 am

✔ 最佳答案

以我行山所知, 過了YHA之後, 行石屎路喎, 應該唔會有村經過, 上到大浪坳左轉係去蚺蛇尖, 直落到咸田, 唔見有村喎.
其實你不用擔心, 有好多村民" 仙遊" 以後, 棺木都會放在村屋中, 以我記行山時也遇到過這情況, 是指香港地區 ( 唔好意思, 忘記了在哪裡啦) ! 其實你只是路過這路段, 不用擔心, 因為你如果沒有做過什麼不敬行為, 也是沒有問題, 你要知道, 各處鄉村各處例, 殯葬儀式, 村村不同, 你實不用驚訝, 他們以前也是住在這條村, 不過因為政府興建郊野公園, 這些村才被連在一起有遠足徑, 你往後再行山, 可能見更多平時少見的事物, 多學習, 多認知, 就會好明白, 因為明白, 就唔會驚啦 !

參考: 我是野孩子

👍 0 👎 0

[匿名]

2008-06-19 10:56 am

你講果度我都見過, 仲有一副相係門口添, 正如之前的留言者所言, 你又無做過什麼, 跟本唔駛怕, 其實如果你見到嚟啲嘢果時, 你當你係一個記者(記者只係在事件發生時做第三者,絕不會參予其中),唔如亂講同佢有關嘅嘢, 跟住行咗去就得架啦;,講番你話果副官, 我聽我工作個阿頭話, 以前啲老人家怕自己唔係度果陣啲後人無錢安葬自己, 所以予先買定先, 佢哋真頭當佢係個寶, 放係自己屋企入面, 到自己去咗之後, 啲後人可以將佢放入去安葬, 所以你話入面有嘢, 我就覺得未必有啦(因為真係唔平架)^^

👍 0 👎 0

John

2007-12-13 11:30 am

首先,我唔明你為何有不安??? 你只係見到屋入邊有棺材,仲有無其他? 相信你而家都好安全在家中,真不知你只因見棺材就驚,驚什麼?? 不是自己嚇自己嗎?
正如你所講,或許不是赤徑,只是一條舊的村落,假使是赤徑,個人認為也不足為奇的
以前古老的村落,有所謂義莊,就是安放一些未落葬的先人,有部份是暫時性,有部份是永久性的,另外就個人所知,也有一些村落等,會在家中安放一個棺材的,主要是所謂風水問題,當有人逝世就會利用那棺材安葬的
相信你見到應該是空的棺材,就是在家放一個棺材的那種
雖然個人也知道,有些習俗是在家中安放先人的,不過全都不是香港地區發生的

👍 0 👎 0

skh30

2007-12-13 5:41 am

我就無行過山,不過我gf行過好多地方,你所講既地方佢都去過,根據佢既講法個d唔係廢屋,應該係骨灰龕,係d村民放係個度,所以入面係有屍體or骨灰,基本上你行過無做過咩,無入去or 附近搞過任何野,或者講句"唔該借借"應該問題不大,所以下次行過就小心d啦!!

參考: gf的行山經驗!

👍 0 👎 0

用戶83995

2007-12-13 5:28 am

係正常，十九世紀嘅香港人或一d村都會將骨灰壺放在山上

👍 0 👎 0

收錄日期: 2021-04-29 19:57:33
原文連結 [永久失效]:
https://hk.answers.yahoo.com/question/index?qid=20071212000051KK03769

檢視 Wayback Machine 備份