壁屋監獄可以帶D咩入去比個犯人?

如果佢已被判刑, 咁就屬定罪犯. 唔可以入煙俾佢. 佢會需要工作, 用工作賺到工資去買煙仔, 零食, 飲品, 洗頭水, 肥皂等. 家人朋友只可以每個月可入大tempo紙巾(10包裝)1條; 祝君早安毛巾2條; 6本雜誌, AAA / AA電8粒, A4纸一本, 斑馬牌藍色原子筆2支. 亦可在犯人申請後入錢俾佢經福利官買收音機同電鬚刨. 監獄出面d士多仔有齊可入俾佢嘅野賣.
其他注意事項:
探期: 被定罪的犯人嘅探期, 係每個月兩次, 每次半個鐘. 但犯人可經監頭簿申請每月加多兩次探訪, 即共4次. 通常都批. 但如你只係佢朋友, 唔算親属, 就記得叫佢申請加你個名在探訪名單上, 否則你探唔到.
信件: 監獄內寄俾犯人既信件, 全部都會被懲教署職員拆開檢查. 在確定封信無違禁物後, 個信封會被職員收起, 唔會俾個犯人. 只係會俾封信佢. 原因係怕有人將毒品收藏在個郵票同信封之間. 如果個犯人想要番個信封, 就要提出合理理由, 例如: 想要番個回郵地址, 向獄方申請攞番. 就算申請成功, 個郵票都會被撕走.
寄信俾犯人要注意以下要點:
(1) 一定要在信封面及每一頁信寫上犯人的編號. 監獄咁多人, 同名同姓嘅人大把. 所以唔寫名都唔緊要, 但唔寫編號嘅信個犯人係收唔到嘅. 而且因為無左個信封, 所以要在每一頁信寫上犯人的編號, 以防撈亂左可以揾得番.
(2) 唔係一定要白色信封 / 信紙. 但信封 / 信紙上千祈唔好貼上任何貼紙. 否則封信會一個個窿, 因為d貼紙會全部被剪去(理由同上).
(3) 信封内除左信紙唔可以附有任何物件, 例如: 錢, 郵票, 回郵信封, 食物, 書簽, 咭片等等. 否則個犯人會被叫去收押室(俗稱: "指模房"), 職員會在佢面前將封信存入佢份私人物件(俗稱: "包頭")內, 到佢出獄先交還佢.

　基本的日用品，如洗面的毛巾、牙膏牙刷等，因為衣食住都一概由懲教署負責，極其量可以帶一個收音機和文書工具，如紙筆等，讓囚犯們可以和外界聯絡。當然一些能直接與外界聯絡的物品如手機等，是沒有可能帶入監倉的。
　彩虹村對面的牛池灣村有一些小型士多，基於不少往西貢的交通都在附近停站，故此是有部份懲教署認可的物品，探訪者可以在這兒買給囚犯；又在荔枝角收押所附近的蝴蝶谷道都有類似士多。
　至於香煙探訪者是不可以帶給親友的，即使是在監獄工作的懲教員，偷運煙仔入監倉都要斷正（今集《廉政行動》有講）。他們可以和相熟的囚犯購買煙仔，通常煙仔都以一支支計，但監獄內的煙仔價錢比起外界就差天共地。
　不過你可以放心，因為監獄是可以容許囚犯吸煙的，但需在指定的範圍，工場更有一個房間，專門讓囚犯休息時吸煙。

2007-12-14 20:27:05 補充：
壁屋出面是沒有探監的東西賣的，沒有交代發問者補充的問題。