織頸巾問題

估計應該係同你織的pattern有關, 織的時候你是否第一行低針織完反轉面織第二行係高針? 如果係織好後睇上去一面會平滑D好似一行行V字, 另一面則一劃劃, 咁樣嘅pattern係唔適合織頸巾的, 因為會捲邊係特性, 就算熨完都會捲番, 喺左右兩遺加織幾行高低針應該可以補救, 辦法係好似織圓領冷衫條領咁, 係左右兩邊各挑出適量針數然後以一針高一針低的方法織幾行, 又或者用鈎針鈎些花邊上去, 書局有些教人點樣織嘢嘅書, 教起針, 收針, 加減針等等, 唔係教pattern嗰啲, 另外大部份冷鋪都有教人織冷衫的, 可以留意吓.

另外可能同你織嘢手勢有關, 注意鬆緊要平均, 尤其頭同尾的一針唔好特別扯緊或太鬆. 可惜睇唔到成品個樣, 否則可以清楚D知道點解.

2007-12-19 17:56:54 補充：
Sorry, 呢個星期好忙冇上網. 相信你的頸巾已織好, 真係冇乜其他方法可攪, 其實織幾行一針高一針低(好似冷衫的袖口或衫腳的針法)唔會太肉酸, 我都曾經織過一條類似的頸巾比男仔, 織差不多約1.5cm高就够. 如果你唔係好識點樣挑針嚟織或者點樣收針, 不如拆咗織過, 到時全部都織低針, 完成後個pattern睇上去係一劃劃, 包唔會捲邊, 又或者可以照*流星*所提供的辦法去織邊. Sorry冇早D覆係, 希望你趕得切X'mas送比人啦!

2007-12-19 17:57:23 補充：
P.S.如果坼過再織, 建議將冷繞在硬紙咭上, 將已變成即食麫咁嘅冷畧畧拉直(唔好址咁緊, 否則條冷會幼咗), 用薄布蓋住再用熨斗離3至4吋噴吓氣, 咁D冷就會直番好D, 番織就會冇咁覺眼.

◎ 編圍巾時，如何不捲起?　
　　下載
圖片參考：http://hk.yimg.com/i/icon/16/3.gif

你放一塊濕毛巾o係頸巾上面,
再熨佢,最好唔好直接熨佢
唔係隻隻都熨得

你可以熨一熨佢,或者用兩塊hard ge 野夾住佢一晚
i 之前都試過敢,I 用左第一個 方法,成功左!
Hope i can help u