✔ 最佳答案
請問你會去大阪幾多曰呢？會安排去京都、奈良這些地方嗎？坦白說，有足夠時間去京都、奈良這些地方，才安排時間去神戶也可以。神戶對於日本人來說，是睇下外國野的好地方，但對於外國人來說，就不會去神戶了。舉個例，歐洲人就一定不會去北野異人館，因為那基本上模仿歐洲的地方。而對於中西文化夾雜的香港來說，神戶也不是非去不可的地方（對比起京都、奈良這些較有「日本」feel的地方而言）。
當然，我剛剛呢次11月去大阪，都有去神戶，無論點都好，見識一下無妨。唔睇風景，睇下靚人也可以。如果唔去溫泉的話，神戶去半日都可以的。（我都聽講那溫泉都幾遠的，係咪非去不可架？如果去溫泉，和歌山會出名一些）
用city loop bus來遊玩神戶係幾好架，坐city loop bus，基本上可以去晒成個神戶，不過班次好疏，而且行得好慢，有時行路仲快過等車，另外，大約5點左右就會收車了。但係，呢次去日本得到的最大經驗是，「有pass就盡量買pass」，因為交通費都唔少野﹗
神戶港，夜晚去會好些，如果是兩個人去，都幾浪漫架（小心，假日時夜晚會勁多人）。哈哈，我呢次係一個人去大阪，成個行程覺得最寂寞的地方也是神戶港。去到就知點解。
北野、元町、神戶港，不太遠啦，如果你是以一種遊玩、睇野的心情，由北野行去神戶港，不是impossible，事實上，由神戶港的車站行過去都唔近。不過，那邊周圍都有火車和地鐵，善用之，可以節省好多時間。（尤其在京都，如果有pass的話，真係唔好貪得意行路，由一間寺行去另一間寺，好多時比想像中還要遠，如果唔係就會好似我咁，去左大阪七日，回來時足足輕了七磅﹗）
會去元野附近的南京町（中華街）食野嗎？那邊主要是中國、香港的食品，不過，除非你真係幾日之內都無食過飯，否則唔係太建議去南京町呢個差唔多本本旅遊書都介紹、但唔算好有日本特色的地方，香港人去那邊食番香港野，唔係好有意思，晚飯都幾貴架，又唔算好好食。不過，那是我在整個行程中，惟一一次食套餐（飯）的地方，是食得最飽的一次了。與其去南京町食晚飯，就寧願選神戶港。
