除了玉盅之外,香港仲有冇其他骨灰盅買？

我半年前都買了雲石盅,都幾重,$600。係屯門d幫人攪儀式既鋪頭買,唔同size,款式都唔同價錢。
白瓷盅我係屯門青松仙觀見過,大約$300,不過唔知賣唔賣比非擺放果度既人。至於防潮問題,d人話d盅無穿無破損,臨上位時會再用d唔知咩灰色泥幫個蓋"敏"實就ok喎!

www.168myt.com.tw 有原木製、骨瓷骨灰盅

據我了解，應該仲有一種叫做雲石盅，墳埸附近有商號(主要是幫過世者做石刻，因為靈位一定有一塊石封面要有字，包括出生及去世年月日，安息主懷等字眼)會招徠骨灰盅售賣生意，我以前就俾人SELL過玉盅同雲石盅，而最終揀左玲石盅；因為前者要千幾，後者則幾百。後來我慶幸自己揀了雲石盅，因為原來那商號提供的玉盅比雲石盡細小，容量無咁大，踫考我家人的體格可能較大，骨灰較多，用了那雲石盅才剛剛好，差不多滿，如果是玉石盅就一定唔夠放！

個老闆仲同我講，玉石盅可以防潮，至於有無咁既需要，就睇唔同人既要求啦。

順帶一提，我是在薄扶林那邊處理上述一事。希望幫到你啦