急!!!比阿媽害得好慘

兄弟，為你著想，為你老婆著想，你一定要報警！！

戶口d數，明顯係洗黑錢既行為，今日唔爆，難保3,5,7年之後唔爆，你係戶口持有人，你話差人到時搵唔搵你？我而家渣住個快佬係01年既case，幾年之後，你仔細老婆嫩果陣，我睇你點？仲有，洗黑錢唔使親身參與，明知有古怪，但仍然提供戶口已經當中。比如話，輸左錢，有人同你講，拿，我幫你還，你比個戶口我用得勒。咁大個人，你話佢有無古怪丫？控方唔需要証明你知道d錢係販毒、販賣人口定軍火，佢只要証明你 "有理由相信"d錢有古怪，已經可以判罪名成立。你話危唔危？d人上庭就成日講，話響澳門輸左錢，押左個戶口比人，入面d數我唔知架...你老味，乜春都唔要係要個戶口，仲要入面無錢既，law來做抵押？你話有無人會信佢話自已完全無懷疑過有古怪丫？無人會信佢，咪即係佢 "有理由相信"d錢來路不正law,咁單案咪釘得law。

你可以去報警，話懷疑d數有古怪，講明係比左亞媽用的(兩母子，你信個亞媽，比佢用，無人會質疑你)，叫差人去查，你亞媽自已解釋，解唔解到，你都劃清界線先。

關系係無得脫離的，登幾多份報紙都無用，因為係歷史事實，無法更改，eg，有朝一日你去變性做女人，出世紙同身份証都唔會改成話你係女人，因為記錄的是你出世時的現實情況。

你係咪想問如你負上民事或刑事責任，會否影響你老婆的資產？如是，我答你：唔會。你有你的財產，你老婆有你老婆的財產。張子強犯法打靶，唔使佢老婆um荷包還比苦主的，除非有証據証明老婆d錢來自犯法所得。不過如有共同擁有的資產，如樓、車，苦主可申請拍賣，law返一半，淨番一半比番你老婆。

如你決定唔報警，你只可以自求多褔，死人lum樓望佢唔好爆；就算爆、都望到時差人信你的解釋。

你唔arm聽我都係咁講

2007-12-12 09:54:21 補充：
仲有呀，問埋d咁差煩既野，你走來話比5分？你好意思架？見你咁慘先至答下你咋。

2007-12-13 23:18:35 補充：
兄弟，唔係講笑架。同一條數，五萬入五萬出就計到十萬架啦，根據jain nikhil案例（個名你唔需要記得丫），洗黑錢690萬，判監以五年作起點。你自已小心。

2007-12-14 18:58:22 補充：
係咁你夠唔夠薑問下佢個個月果1萬5萬点來丫?你都話佢得5千幾人工.点解一入數就連隨出數丫?交左比人law,点解個個月都有人叫佢交錢比人嘅?佢解釋到而你又信嘅,咪得law.聽落你亞媽响macau多過响hk啦,咪話我話佢,一係自己落手做埋庒家, e.g 放數比人,做負責收錢果個,一係比人夾去過數.比較理想嘅可能係:佢做叠碼,果d碼數來的.自己諗下,因為我唔知,你個a/c有無电話/網上理財的?銀行記錄會保存7年,如果你唔想破壞母子關係,過到7年就無事,因為無哂証据.

2007-12-15 11:19:27 補充：
如果有電/網理財，仲使乜用card？你誓神劈願話無電/網理財，我信你呀，但你亞媽有你id，a/c no，求其搵個佬用電話登記，又有幾難呀？講到尾都係果句，咁你話佢d錢點來丫？一入即出點解丫？

2007-12-18 12:03:24 補充：
揭發=??視乎你亞媽洗黑錢果陣 (當佢係先啦)，你1.知唔知佢咁做2.有無理由相信d數有古怪(可能來自犯罪得益)。唔知呢一點好易証明，因為你比左亞媽用，唔係你用。但2就有d問題，有無理由相信唔係單靠你up，無眼屎乾淨盲邊個唔識？要睇差人/大老爺點睇。佢/佢地信你咪得law.呢d案無判刑指引，所涉金額係其中一樣要考慮既野(呢樣你先至驚，因為唔知幾多，真係可大可小)，之前已經講過，690萬有權以5年作判刑起點，認罪可減3分1，都3年另4個月。咁好彩唔使上地院，個判刑就梗係會再輕d。

好認同樓上Keith兄所講, 佢好大機會係做 "車仔", 即係攞個a/c出黎, 幫d數佬收數. 你話 "若真係比人係借户口洗黑錢,張咭仲有無可能係佢度", 而家d古惑仔好精, 佢地驚俾龜拍(警察查身分證) 時身上十幾張咭, 張張唔同名, 點解畫? 所以d咭會keep番係個車仔度, 要轉數時先叫佢出黎攞張咭. 用完俾番佢. 個車仔欠落成身債, d古惑仔又有佢全家d料, 俾個胆佢都唔敢夾帶私逃.
根據香港法律第455章<有組織及嚴重罪行條例>第 25A條 - 對財產是代表從可公訴罪行的得益等的知悉或懷疑的披露:
凡任何人知道或懷疑任何財產是 (a) 全部或部分, 直接或 間接代表任何人從可公訴罪行的 得益; (b) 曾在與可公訴罪行有關的情況下使用； 或 (c) 擬在與可公訴罪行有關的情況下使用, 該人須在合理範圍內盡快將該知悉或懷疑, 連同上述知悉或懷疑所根據的 何事宜, 向獲授權人(警方)披露. 違反者可處監禁3個月.
所以唔單只你有好大機會被控洗黑錢(Cap.455有組織及嚴重罪行條例 - 第 2A條), 你懷疑你阿媽做車仔而唔報警, 你亦都犯咗以上知情不報法例. 若比人掲發, 你既下場會係罰監禁3個月, 未計洗黑錢嘅判刑喎.
你問, 若比人掲發,你既下場會點? 你試過俾麻甩佬夾硬篤隻手指入pat pat度通櫃, 痛到係幾十人面前標眼淚兼瀨屎未? 你試過晚晚都食同一樣餸 - 美味的燶炸5cm池魚, 食足幾年未? 歡迎來到香港滴滴尼監獄! 你嘅終身編號係XXXXXX. 在此你可以享受無盡歡樂, 包括失業, 睇住層樓斷供, 再加上老婆可享受俾錢行收樓, 俾收數佬追數, 破產兼最後頂唔順跟佬走而你乜都做唔到嘅夢幻世界! 係呢度, 你重可以享受老人家每兩星一次山長水又遠嚟拜你半個鐘頭山(即係探監)......
趁未爆鑊, 聽我地講, 快d報警啦! 到警察揾到上門你就點解畫都無用!
P.S. 重有, 小心佢攞你張ID copy去同數佬攞數. 個數佬有哂你全家嘅料. 整張有你名, 住址, 工作地點, 個人資料同ID copy嘅欠單, 求其畫隻龜落去, 話你借佢十萬八萬俾阿媽去醫病.ID copy / 資料有齊, 慢慢劏你. 每個禮拜一個釘(10%利息), 還唔起就得閒揾人凶吓你美麗的小妻子. 最後連你溫暖嘅二人世界都要賣埋填氹. 你報警佢就話你借咗錢唔想還, 所以報警話張借據係假嘅, 擺差人上枱為求甩身. 簽名唔同樣? 車! 唔俾你借錢時求其簽? 你估差佬會唔會幫你去查? 到時真係歡樂谷, 一鑊熟.

賭仔賭癮發作時, 阿媽都可以賣落井, 有乜做唔出? 佢連佢阿媽你阿婆果三十萬棺材本都可以賭咗去啦! 都係時候你報番佢養育之恩嘞....

2007-12-19 03:07:48 補充：
P.P.S. 你呢5分真係俾得抵哂啦!