✔ 最佳答案
沙多數係用唻做廁所沙,較沖涼粉大粒,所以用唻幫鼠鼠沖涼會冇咁乾淨,最好當然係用返鼠鼠專用既沖涼粉去幫鼠鼠沖啦
買沖涼粉都要記得唔好買有香味既,有味會有機會令鼠鼠過敏,敏感嚴重係會致命
同鼠鼠沖涼既步驟:
1) 要將鼠鼠放去第個盆or籠度,我就用養龜仔之類既小缸同鼠鼠沖涼既.
2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下
如果佢郁唻郁去,你可以一隻手抱起鼠鼠,一隻手將粉整落鼠鼠身
3)用手掃下鼠鼠身上既沖涼粉or由得鼠鼠自己整走都ok.
4)再將鼠鼠整左落唻既粉整多2-3次落鼠鼠身上(用未用過既都可以)
5)沖完涼將鼠鼠身上既粉掃走,咁就可以放返鼠鼠入籠啦.
同鼠鼠沖涼,要留意以下幾點:
1)要用沖涼粉,唔可以用水,唔係好易令鼠鼠感冒既
2)唔可以日日沖,一星期沖一次,最多兩次就ok啦,成日沖涼會令鼠鼠抵抗力下降既
3)盡量避免沖涼粉整到鼠鼠既眼耳口鼻
如果而家都係 同鼠鼠未熟,你可以用較多沖涼粉同佢沖,將沖涼粉加落鼠鼠背上,加多幾次,咁裝住鼠鼠既地方都會有沖涼粉,鼠鼠在上面郁都會沖到埋其他地方,只係冇咁乾淨,但鼠鼠自己都會整下