我父母好難頂！生一個，累一個！

每個人背後都會有一個故事,
看完你的,我並唔覺得你十分慘,
起碼你有父母,
有工作,
呢個世界上有大把人慘過你多多聲,
有冇睇今日新聞,
十八歲青年自殺,
就是為了家庭,
不堪壓力,
呢d先叫人間慘劇,
你果d係小兒科啫,
你窮,大把人窮過你,
父母比壓力你,
邊個父母唔係咁吖,
身體差,
有d人仲有大病,或不治之症,
咁佢地又要點做呢.
其實你都唔算太差了,
身體差,可以自己多做運動鍛鍊好,
父母生你育你,
點可以話佢地生一個,累一個,
比佢地聽到,
真係好hurt架,
當你他日為人父母時,
你就會深深體會到做父母的難處,
我看你都是放鬆點,看開一點,
那么做人會更開心快樂,
知足者貧亦樂.
千祈唔好鑽牛角尖吖.

既然你都已經讀完大學
算係接受過高等教育啦!
如果你父母真係連累到你
就算當年你係借grant loan去讀大學
佢地都唔會俾你讀會叫你出來社會做事養家
仲邊得你讀到大學畢業呀？
人地d仔女搵到錢
只係際遇比你好d
我都知道有d父母係好貪心
見人地d仔女讀到大學
就想你都讀到
人地讀完大學結左婚生埋仔
見佢d朋友成日帶著個孫仔周圍去
又想你快d結婚安定下來囉!
我父母都係咁
佢地要求比你父母仲高!

如果你真係唔夠錢使
其實都可以打多份兼職
咁另一方面你留在家時間少左
咁咪少左受佢地氣
如果儲到錢可以用少少來投資下
我睇個巿跌到咁上下應該好快會好轉
所以~加油啦!

1. 去教會聽道理提升靈性的生活.
2. 去行山.
3. 去打藍球,足球,.........
4. 去做義工.
5. 去吃豐富晚餐.
6. 去愛你的父母兄弟.
放鬆一點,開心一點,
那一天的感覺便會不同啦!!!!

你都積怨好深噃．做人唔好只識埋怨，你係大學生,諗嘢要正面d.

你話你身體弱，細時就話父母照顧不周啫，而家大個就要自己照顧自己，多做運動，飲食均衡，改善體質．

係父母都想仔女學歷好，唔通想個仔讀書唔成，連麥記都唔請咩！讀咗書咪又係响你個腦度．

做嘢受氣唔止你一個，想唔受氣，就要叻過人，努力上進．

與其浪費時間自怨自艾，不如積極d，明知通街大學生，咁就繼續進修啦，邊工作，邊讀書．有經驗，有學歷時，自然揾到好工，比心機慢慢嚟，明天會更好．

對父母講既野當聽唔到～如果佢重照顧自己～你比佢地既＄對佢地無乜影響可以比少Ｄ
錦你就可以多返少少＄黎用。
而你就話你自己３０歲啦～我覺得儲定個錢比較安全，難保去到４、５十歲突然
話無野做，到時錢又無儲過，錦點生活，唔通走去問父母拎＄？你父母要求高也
不能怪他們，鬼叫個個只係覺得都係”人地Ｄ仔女又叻又聽話”呢句一定唔只
你父母錦諗。
而你話身體差，我覺得除左天生既體質重要之外，後天都要好好錦努力，唔係既
話就真係會”衰多一錢重”。
如果你父母重不斷錦要求你做呢樣做果樣，而佢地根本無呢個需要，我覺得你
去同佢地詳談一下，講下你對佢地既感覺，你自己既感受。你唔同佢地講佢既係
唔會知的。如果講完佢地重係乜都唔理既話我覺得你要諗諗將來要點做－　　－
此外，亦不要常想Ｄ副面野，因為錦樣都對你係有害無利的。
而儲唔到錢亦唔一定話會好大獲，只係儲左安全Ｄ，而唔儲既話我覺得只好見
步行步，要令上司知道少左你一個都好麻煩，即係工作表現不要馬虎，需要時更
可以出頭，讓其他人更肯定你既能力。
但一定要知到自己有無呢個能力。而且不要自大，自大既後果有時很慘的＝　　＝
當然你得勢亦唔好得寸進尺。