我想搶人地男友-continued

你可以同佢搶ga. 自己鍾意既應該要自己爭取. 佢又唔係結左婚.
不過, 最重要係個男仔鍾唔鍾意你. 否則, 你做咩都冇用.
p.s: 千其唔好用d 傷害自己又傷害人既手段呀.

拍拖都拍到結婚啦，唔hehe haha 唔通喊苦喊忽呀???
你唔俾佢真係唔想男朋友成日出錢架???
你根本就已經先入為主~~~
你自己唔開心冇人話你唔岩，但係你要搶人地男朋友既話，就真係好過份囉.......
你唔開心同佢地係度hehe haha 都冇關係既，冇人叫你鐘個頭埋去一對拍緊拖既情侶到架喎，你拿苦黎辛姐.......
你成日戴住副有色眼鏡睇個女仔....佢好既一面就俾你話佢虛偽，唔好既就大肆宣揚~
咁你就永遠都唔會知道點解個男仔會鍾意個女仔~~~~~

我發覺其實最大問題係 "條仔鍾唔鍾妳先" ????

妳死都想搶佢過黎，人地可能都無鍾意過妳，搶番黎有鬼用咩﹗
唔好自討苦吃，可必浪費時間。

呢D野講緣份嘰~~
施主~你收手罷啦~~~

我看過你所有內容，我只可以講一句，你真係覺得咁做，你可以得到佢咩。

如果你真係搶到佢回來，咁你有冇唸過，佢咁容易搶返黎，即係話佢都好容易跟人走呀。咁依d男人都唔可以要得過呀，到時你又係到驚。

你所講果個八婆講都有幾差都好，但只少可以肯定，個男人都無同佢分手及一齊結婚。

個男仔同你去旅行，你有冇唸過，佢只當你係朋友，如果你真係想同佢上床，而個男仔知你個動機，就算你有冇bb，你估下佢會否同你一齊呀，及佢會否再同你再做朋友呀?你有冇唸過依一點呢。

感情方面，無話邊個先就邊個就有得拍呀，係要講綠份，就算你暗戀佢好耐，但佢唔鍾意你，你都唔可以迫佢呀。只會令到大家會有反感。

我都係一個唔靚既女仔，但都有拖拍呀。
綠份一黎果陣，你係無可能避到。
可以你既綠份未到，或者明天就有一個好過果個男仔既人一齊呢。

祝你早日拍拖

唔好搶人地男朋友啊.....真係有報應嫁~!

我都比人搶過男朋友.....
我同我男朋友都好多年.......我地出街有時都係AA...
有時我比....有時佢比.....

我都知道我男朋友同佢新女朋友佢地2個成日鬧交....但係又點丫....
鬧交唔一定會分手....可能係情趣呢.....

唔好咁嬲啦.....一切放開會令你更舒服~!