選小學問題 - Ans.fyi 參考答案

選小學問題

2007-12-11 5:14 pm

個女現讀慈雲山可立幼稚園,下年讀高班,想問通常D小學幾時開始比人扣門?因為中學想讀返媽咪畢業o個間(伊利沙伯中學),有聯係o個D小學又唔係本人網內(45).
如果自己扣門,有邊間會機會大D呀?農圃道官立小學;馬頭涌官立小學(九龍城);馬頭涌官立小學(紅磡灣);紅磡官立小學.

回答 (1)

Christian

2007-12-11 8:25 pm

✔ 最佳答案

你個女下年先讀高班, 即係下年先小一選校啦. 想讀和伊利沙伯中學有連繫的小學, 可於明年自行收生階段報讀其中一間, 自行收生階段小一學位申請和所住地址無關架, 純計分, 官小一般15分都有機會入到.
和伊利沙伯中學有連繫的小學中, 以馬頭涌官立小學(紅磡灣)最受歡迎, 馬頭涌官立小學(九龍城) 次之, 農圃道官立小學 and 九龍塘官小再次之, 其餘的不用考慮.
自行收生和叩門入的難易度和受歡迎程度有關, 如果自行唔得, 4間你可以於統一派位放榜後都試下 (叩門).
提醒你, 想入伊利沙伯中學, 讀連繫小學未必最著數, 事關中學只會預留 25% 個中學學位俾所有連繫小學, 所以成績都要好先有機會.

👍 0 👎 0