大不了做埋便利店收銀咁既......唔使兼顧咁多野......
但隨住時間一日一日渡過,今日我已經做夠一年幾啦~
有好多野佢地都比我學,佢地可能佢覺得我掂,
所以而家我d站長,同事成日一有咩特別問題,都好似搵我去"孭飛"...
我覺得佢地班野好過分囉,當正我係話事人,
有d野我都唔識架,叫我點搞呀,一陣衰左又轟炸我........
我而家好頭痛呀,我唔想再做埋呢d站長應該做既野,
我淨係想做番一個普通入油仔就算,
但我都係為左儲錢考車牌先繼續捱住落去.....
問題:如果你地係我,會唔會選擇唔做????
更新1:
我既意思即係唔想再做一d要負好大責任既工作 我淨係想做番一個平平凡凡既入油仔咋.........
更新2:
回應第1位回答:你有所不知啦~佢班野痴線架,尤其個站長晚晚一到6點就收工,拿拿臨走鬼左,扔低個站咩都唔理,之後d時間就冇站長睇檔,咪搵我地d卒仔孭飛囉~初頭就覺得好開心,因為冇阿頭睇住,可以作反,冇咩事就話姐,一有事如果處理得唔好,佢又識成支槍指住你泥鬧架... 而我個站長亦係一個怕事既人泥架...佢又好怕死,淨識搵替死鬼,有次佢比老細捉到佢遲大到,之後佢即刻玩踢爆話我地班卒仔夜晚成日作反...又唔打掃,唔上貨....淨識坐住一大堆人吹水... 總之佢一有咩野就搵我搞,話就話比我學野,實質佢自己就搵我做替死鬼咋...一衰左死都係我死先啦,好慘架...呢d野做耐左先睇穿佢諗咩...
更新3:
回應第2位回答:唔知點解講起揸車我就覺得好開心,因為我覺得揸車呢樣野我係會比較鍾意掛...
更新4:
回應第3位回答:學多d野係好,但我覺得都應該比我一個限度先,因為有d野處理得唔好真係分分鐘會死人架,我就真係擔當唔起呢類野, 我其實比起蜆殼果d入油仔好好多架啦~我起碼識收銀,清機埋數,油車泥落油之類呢d野,因為呢d原則上都係站長搞既,我地唔使做,但佢可能真心想比我地學,所以先比我地搞...相反蜆殼果d入油仔做10年都淨係入油,所以我做到以上既野已經好夠,我唔想再做一d超級大責任既野咁囉...
更新5:
回應第4&5位回答:掉轉你好似我咁遇上呢d情況,唔知你地仲可唔可以忍到佢???佢要求你孭埋佢站長果份,佢呢個站長請佢返泥淨係得個名,日日都唔知搞乜...淨識得日日匿埋寫埋d無聊報告,佢仲可以串到匿埋係後欄洗頭=3="慢慢拖時間等收工...