澳門酒店穿梭巴士

絕對可以當免費車坐！因為他們的服務對象不只是房客，他們也有餐廳、賭場，無人會check你，所以根本就無人會問你坐車去酒店做什麼，所有人都可以使用他們的免費接送服務！我自己去澳門都是經常這樣做的！

我試過在澳門碼頭搭免費穿梭巴士去附設有賭場的酒店是沒有問題的, 佢地唔會要你出示證明比佢睇你是否係該酒店的住客, 但沒有附設賭場的酒店唔會比你上的.
以下係我去開的行程供你參考:
第一日:
早上抵達澳門後, 你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到聖安多尼教堂及白鴿巢公園, 果條路仔有好多古董賣的). 中午可以在議事亭前地中央郵局附近的黃枝記食LUNCH, 主要係食中式粥類及粉麵.
下午可以到福隆新街睇下一些特色的街道(福隆新街在議事亭中央郵局對面的澳門民政總署旁邊的橫街入去, 整條街的門窗都係油上紅色的油漆), 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂. 傍晚可以落一落去位於新口岸的觀音像及宋玉生公園參觀. 晚上可以去漁人碼頭玩及到附近的新八佰伴SHOPPING, 新八佰伴頂樓有美食廣場, 你可以在那裡食晚餐. 如果你有興趣睇賽狗的話, 晚餐後可以在新馬路搭巴士去拱北, 在紅街市附近下車然後行一段路去逸園賽狗場, 入賽狗場只須10元的入場費, 憑入場券可投注一次. 賽狗場門口有好多大排檔的, 可以食埋消夜才回酒店. 回酒店之前順道去埋賽狗場附近的三盞燈睇特色街燈.

第二日:
早上可以去盧廉若公園及二龍喉公園舒展一下筋骨. 二龍喉公園係有纜車上松山燈塔的. 燈塔旁邊有一間聖母雪地殿聖堂, 始建於1626年. 之後可以搭車前往氹仔, 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的. 中午由官也街行大約10分鐘便可以去到富有中國色彩的花城公園遊覽+食Lunch, Lunch後去四面佛. 下午茶可以去大利來記食馳名的豬扒包及絲襪奶茶, 不過最好要在3:00pm前霸定位, 因為大利來記每日3:00pm會有新鮮的豬扒包出爐, 到時會有好多人去食, 遲D去的話就會賣完無得食架啦! 之後去返官也街買手信, 你亦都可以去官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半). 晚上可以去附近的熊貓餐廳食地道的萄國菜. 請緊記要預鬆D時間由氹仔出返碼頭, 因為預左會有少少塞車. 新八佰伴位於澳門碼頭附近, 臨上船返香港之前可以去行下.

請記住, 乘坐格蘭酒店穿梭巴士時,
司機會要求你出示酒店房咭的.
我親身見過有人因此被拒絕乘搭.
最大原因是該酒店是沒有賭場的,
所以較嚴格.
其他酒店一般都歡迎乘搭.