5月到台灣.

5 月都仲算係淡季,我今年5月尾都去過台北,機票(長榮)+稅+3星酒店(城美),4日3夜,都只係$2100度,我係樂途買PACKAGE的,呢間雖然係細行,但都唔差架,機票即時CONFIRM比你,酒店過1,2日覆你,先比訂金,所以野都OK晒比埋尾數,過幾日就可以出埋機票酒店資料比你,我朋友去台灣,我都介紹佢去呢間,佢試過都話算平同唔差
酒店方面,5月唔算旺季,基本上都唔難訂位,如果你要求唔高又唔想太貴的話,城美都可以接受,城美係書街附近,好方便愛睇書的人;另外,東龍,萬事達,君帥,天成,長虹,華華都唔差,因為都有好多香港人去住,地點方便,係西門附近,價錢都唔會相差好多
至於要帶幾錢,其實見仁見志,我上次去連埋PACKAGE,保險,都係用左$4000度,都係主要食同埋買手信,台灣GE野有平有貴,視乎你要買咩,食方面,基本上都幾平,特別係夜市,有好多又平又好味GE野食,台灣野飲好平,1杯700CC野飲都係30-40台幣度,但1杯可以飲到你好飽
所以我會建議你帶$2500度港幣,怕唔夠的話,就預多少少吧(如果你唔係打算瘋狂掃貨,咩都要買的話),應該夠用架啦~

希望我的意見,對你有幫助啦!